WM Café & Bar (啟岸)

Open Now

Now Closed

土瓜灣經過遷拆重建,已經耳目一新。本來想去加太賀食日本菜,見到新建成的屋苑內有一系列餐廳就入去睇睇,最後揀了呢間wm。選擇多而且價錢唔貴,好似幾ok,坐低咗,環境又舒適,仲有個大電視,都覺得幾好。食物送上,叫咗兩碟意粉,水準合格分量適中,味道都ok喎。飯腳A叫嗰碟海南雞飯就麻麻地,人哋擺明係西式餐廳,就嗌啲中式嘢,咁梗係爭啲啦。似乎西式菜係出色啲喎,大啡菇露筍香草意粉炒得好好味。我叫咗碟番茄汁意粉加龍脷柳就standard味道不過不失。餐前仲有龍蝦湯同蕃茄湯揀,都幾抵,餐飲就可以揀大大杯柚子茶,味道都ok。大家下次去土瓜灣就識揀嚟食喇。