殷悅

Open Now

Now Closed

最近一直為件重要的事而心煩，昨晚總算得到一個兩全其美的辦法，心情終可放鬆一下，見今早天朗氣清，便相約P爸媽飲茶陪吓自己，見阿J同松松大爺好夢正濃，於是決定唔叫醒佢地。見天色好，所以決定去夠高又有落地大玻璃的殷悅飲茶，夠哂開揚。今天的小食是滷水花生及炸蝦乾，特別要讚那炸蝦乾，炸得通透，有濃濃的蝦味。P爸是蝦餃痴，飲茶食蝦餃是指定動作。這裡的是露筍蝦餃，好大隻，但只得三隻，是新鮮蝦，夠爽同大，露筍亦爽甜，唔錯。P媽就好鍾意食雞飽仔，飽夠軟，d餡料蝦仲多過雞肉，味道一般。 九皇帶子腸~ 腸粉算薄，但帶子是碎粒，不是原隻，九皇偏少，普普通通。麻辣金錢肚 ~ 夠哂麻辣，金錢肚爽口入味，份量亦量多，好味。咖哩土魷 ~ 土魷夠新鮮大隻，但由於麻辣金錢肚的麻辣味太勁，令我不太食到咖哩味。飽汁鮮竹卷 ~ 好抱歉，可能味蕾仍被強勁的麻辣影響，我食唔到飽汁味，反而鮮竹卷就好足料，筍絲同香菇味好濃。薑蔥肉蟹粥 ~ 極力推介這粥，足半隻大新鮮蟹，糕勁多，肉質夠實味鮮甜，伴碟的材料亦不馬虎，正！正當以為食飽之際，P爸爸忽然話想食咸水角 ，於是乎便叫吧！一口咸水角 ~ 另一道有水準的點心，剛炸好，燙手，夠乾身，一