殷悅

Open Now

Now Closed

點心美味點心之旅在荃灣，點心如同一抹清新的晨曦，帶來無限的幸福感。 好可惜，有時去到點心專門店、老牌酒樓 、味道都係好行貨。今次，我將品嚐三款令人垂涎的經典佳品：杞子肉大燒賣、蝦餃及雞粒菠蘿包。杞子肉大燒賣杞子肉大燒賣外觀金黃誘人，宛如小巧玲瓏的藝術品。每一口咬下去，肉餡的鮮嫩與杞子的甘甜相互交融，帶來豐富的口感層次。那肉質的彈性與杞子的微妙香氣，讓人忍不住一口接一口，回味無窮。：蝦餃接下來是蝦餃，這款點心無疑是我海鮮愛好者的夢想。薄薄的餃皮如同晨露般輕盈，每一隻蝦餃內藏著三隻新鮮的蝦仁，肉質鮮甜，彈牙可口。當它在口中融化時，海的氣息瞬間蔓延，宛如置身於海岸邊，感受著海浪的呢喃，令味蕾瞬間覺醒。雞粒菠蘿包：最後，雞粒菠蘿包則是點心中的甜蜜精華。鬆軟的包體上，烤至金黃的菠蘿皮仿佛在呼喚著你的味覺。輕輕撕開，內裡的雞粒鮮嫩多汁，與微甜的菠蘿香氣交織，瞬間化解了疲憊，帶來心靈的慰藉。每一口都是幸福的滋味，令人陶醉。這三款點心，如同三位優雅的舞者與共舞，在味蕾的舞台上翩翩。無論是杞子肉大燒賣的香嫩、蝦餃的鮮美，還是雞粒菠蘿包的甜蜜，都讓人深深著迷。每一口，都是對生活的讚美，讓人不禁忍不住再來一

由於這裏環境較清靜，亦不想再其他酒樓太擠迫，故此找來這家，叫了一個四人餐，HKD 2588 加茶錢，調整再加10%. 由於有兩位老人家，故此不想叫六人餐，選擇四人餐。四人餐食物款式少，一個乳豬,义燒，海節小拼盤每人一件，以為有龍蝦食及金湯燕窩湯，點知金湯海鮮燕窩淡到不得了，燕窩食唔出，龍蝦四個人每個人都分唔到兩舊龍蝦肉，味道又淡，肉質完全不彈牙，好細碟😭😭😭. 清湯龍躉還可以，但龍躉這種魚絕對不值高價。跟住半隻燒雞唔係大，四人啱啱好，最後就係嗰糖水。成餐就係咁多嘢，這個四人餐真係比四位纖瘦女生食還算啱啱好，份量少，成個餐很少款式，味道完全平平無奇，絕對唔係酒店級數，我本身對食物包容度都算高，但呢餐咁嘅價錢，絕對一定要提出嚟提醒各位。

這間店已幫襯很多次 出品水準下跌 招呼失準 價錢吾平 可惜不是對等 投訴沒有反應 無論在現場或官網 視而不見 避得就避 印什麼意見表 簡直浪費資料 污染環境 年三十食一餐成萬元的團年餐 都不及我初一 到一平民集團食餐二千多元 食得開心 可能佢哋老闆有蝕不完的金錢🤣🤣🤣常話香港飲食生意難做 有得做時 大家有沒有珍惜 在同一酒店 新開一間中式酒樓 人們訂位爆滿 全院滿座 這間就零零碎碎 自己有沒有反醒隨左環境好 我選擇訂位外 沒有其他可取 明年一定不會再訂

有朋友話呢度的中菜好食，生日飯一於試吓。5個人叫左葱爆羊肉配薄餅，羊肉同薄餅都好好食！仲食左個好似糖醋排骨咁嘅都好好食，個石鍋飯同炸蠔就一搬。難得枱與枱距離好闊，坐得好舒服，服務亦好好。車可以泊在大廈的停車場，俾咗兩個鐘免費。下次想再黎飲茶食點心。

同屋企人特登過黎荃灣飲茶，黎得熊貓酒店緊係食返件熊貓包! 奶黃包整成熊貓樣，真係好得意，切開後流心十足! 仲有落地玻璃窗view睇，美不勝收~d燒賣都一流，個頭很大，真係好似樓下食評講既一樣 一粒燒賣等同人地兩粒 真係掂!!另外，椰皇金沙燉鮮奶既椰香味都好濃、好好味。野食正 service都ok，值得提係佢地個人參烏龍茶都好好飲! 好岩同屋企人黎飲茶 又坐得舒服

啱啱過去星期日，同屋企人去悦來酒店30樓殷悦飲茶，發現呢度有幾多特別嘅點心。好似蝦餃咁，大大粒，料又足，係我食過最高質嘅蝦餃。仲有瑤柱菠菜龍蝦餃，食落好鮮甜，啲龍蝦配埋菠菜好正。藍莓叉燒酥都唔錯，有少少酸酸甜甜，幾開胃。最特別就係呢件蘿蔔糕，中間有西班牙火腿，煎得鬆脆可口，好惹味下。

飲茶🫖係我其中一個幾鍾意嘅活動🤣今次去悅來酒店殷悅中菜廳，原來佢2015至2018年攞咗「米芝蓮推介餐廳」，岩晒同屋企人/ 朋友去，品質相當唔錯😎店員態度好好加分🪄 熊貓黑白芝麻卷成間餐廳嘅signature之一，設計好有心思，賣相好可愛，用上黑白芝麻卷扮作熊貓竹葉，入口軟糯唔太甜🪄流心奶皇熊貓包推薦必點，成個包係大熊貓🐼嘅外型，重點係入面好熱好流心，流心奶黃入口唔算膩，麵包亦好鬆軟🪄杞子玉帶燒賣 燒賣飲茶必食點心！燒賣好大粒，入面充滿鮮蝦，上面仲有帶子感覺豪華咗，賣相一流，差不多一粒等於人哋細細兩粒🪄 露筍鮮蝦餃蝦餃同樣都好大粒，入面有兩三隻蝦好彈牙，餡料仲有露筍食落爽脆，真係皮薄餡靚推介🪄家鄉韭菜粿賣相幾得意，韭菜好香口炒過香口爽脆，外皮都好煙靭🪄黑椒牛肉包佢個外表黑色好精緻，皮薄餡靚，外層好似雪山包甜甜鬆軟 ，個餡係黑椒牛肉好香，有少少似台灣嘅胡椒餅味❤️🪄翡翠帶子腸粉/ 牛肉腸粉第一次食帶子同腸粉呢個組合，好夾好好食，帶子鮮甜腸粉夠滑😎另一款牛肉都好新鮮🪄 薑蔥鮑螺絲撈麵真係好多鮑螺絲，配上傳統鹼水麵🍜我最鍾意加埋浙醋一齊食😋🚩殷悅 (荃灣)荃灣荃華街3號悅來酒店30樓#addi

滿心歡喜叫芋頭酥但原來入面有韭菜不過Menu好似冇寫🤔荷葉飯好食 香荷葉味 其他點心都一般蘿蔔糕都煎得唔好食腸粉皮厚 叉燒腸勁少叉燒奶皇包有熊貓公仔幾得意 盡顯Panda特色環境唔算嘈吵，坐得唔會太迫

黃豆生日🎂去左悅來酒店🏨慶生🎉 我地揀左30/F 既殷悅中菜廳飲茶🫖作結2日1夜既旅程😌紫菜蟹柳卷好似壽司🍣既外型😜用紫菜包住蟹柳肉 肉質彈牙🤓 上面加左蟹子增加口感😎家鄉韭菜粿平時唔食韭菜粿既豆爸都大讚好食👍🏻 韭菜粿餡料豐富濕潤 韭菜鮮蝦炒過香口爽脆🤩天鵝芋角酥✨必點✨打卡一流 天鵝🦢外型 餡料係香滑芋頭蓉 外面有一層薄薄炸粉定形 外脆內軟😍👍🏻墨西哥雞包✨必點✨唔好睇佢外表平平 😌原來禾稈冚珍珠 皮薄餡靚 外層甜甜鬆軟 個餡係白汁雞肉 好香好滑🤤黃豆食左一啖已經話要encore 🤭流心奶皇熊貓包✨必點✨吸睛既大熱熊貓🐼 重點係入面。。。超流心🤤🤤真係食10個都得 流心奶黃一啲都唔肥膩 而且熊仔包好鬆軟😍翡翠帶子腸粉第一次食帶子腸粉😅原來好夾好好食 最緊要帶子鮮甜 同腸粉夠滑😌😌熊仔楊枝甘露🛎️🛎️🛎️必點🛎️🛎️🛎️✨✨必食✨✨呢個無得輸 無論個樣定味道👅都滿分💯🐻🐻用芒果汁整成 加上楊枝甘露材料 自己加花奶😍就好似幫🐻🐻沖涼咁💕💕 等🐻🐻溶 就會有好濃既芒果汁👍🏻👍🏻我地3個爭食😂😂 下次要一人一個 唔該✌🏻

一直都想帶屋企人去間質素高D嘅酒樓飲茶，見依間食評都ok就去試吓~果然好正!全層都係有落地玻璃窗，睇到荃灣靚景~食物方面有驚喜! 屋企人好嘴刁都話啲點心好好食~紫菜蟹柳卷外軟內脆口感好特別，潮洲粉果入面d料好足~仲有好多得意造型嘅點心同甜品！個流心奶黃包整成熊貓樣好趣緻~椰皇金沙燉鮮奶上面竟然有隻熊貓仔，都勁有心思~椰香奶濃入口順滑，細佬妹都勁鍾意食! 仲有個浴缸熊仔楊枝甘露，將D牛奶倒落隻熊仔度幫佢沖涼咁，好味又得意! 總括嚟講依度食品質素高、服務好、坐得又舒服，同埋個人參烏龍茶好正!之後都會帶屋企人再嚟！

今日中午同同事到殷悦飲茶，食咗好多新點心同埋試咗好多甜品，坐低一陣開壺人參烏龍茶，估唔到飲落幾香想一飲再飲，點餐過程都算順利，服務員態度幾好，加單同添水好快手。潮州粉粿有芫茜嘅香味，又唔會搶晒味，仲有少少蝦米味，幾好食。紫菜蟹柳卷的話，紫菜同蟹柳的味道幾夾，鍾意食蟹柳嘅不妨一試。流心奶黃熊貓包就好香奶黃味，外形十分可愛得意，又味道又有外形。金銀蛋肉絲粥，粥底唔錯，再足料少少會好啲。亁炒雞絲銀針粉，夠晒鍋氣，味道唔錯。甜品方面，亦試咗好多款。萬壽椰香果酸酸甜甜，好開胃。黃金馬蹄條，鬆脆外層，加上糕條含有馬啼肉，吃落口感豐富。懷舊芝麻卷軟軟糯糯，好香芝麻味，推介。

位於高樓層中菜廳，景觀開揚，環境闊落，點心款式特別，整體食物高質杞子玉帶燒賣燒賣大大粒，帶子甜豬肉鮮，肉質結實，豬肉蝦肉比例剛好，口感豐富，有層次脆皮鮮竹蝦腸腸粉皮滑，煙靭不黏口；內裏鮮竹口感似油炸鬼，鬆脆不油膩；包住大大隻蝦，鮮肉鮮甜爽彈，鰹魚絲鋪面點綴，特別！本日最高分蕊心蝦春卷材料十足，外層春卷皮鬆化夠薄，同時又包住滿滿鮮蝦，加上蕊心，每口又爽又彈，又香又鮮，高質炸物蜜汁叉燒包包鬆軟，叉燒肥瘦適中，餡料飽滿，醬汁調味出色翡翠上素餃綠色外皮薄，餡料全部都係新鮮野菌，味道清清地，感覺健康芝士三文魚撻撻皮唔夠酥脆，質感鬆散易碎，但餡料豐富，用三文魚肉混入洋蔥粒，蟹籽，蘑菇同忌廉汁，加入芝士焗起味道香濃

連假去飲杯茶食個飽坐低慢慢嘆，慢活一下。位處30樓的殷悅設計為兩邊落地大玻璃，視野廣闊開陽，枱與枱之間空間感十足。因為位於酒店內，價格比同區大部分酒樓略貴，但是以假期來說，可以訂位，環境舒適，食物有質素，真是對得起這個價錢。如果有會員咭，最高更可享75折優惠。推介：脆皮鮮竹蝦腸粉：大量彈牙的蝦肉以腐竹皮包住炸至香口，再用米漿腸粉皮卷好，入口沒有油膩感。龍蝦湯鮮竹卷：同脆皮蝦腸大同小異，走腸粉皮，多點腐竹皮，浸在濃稠適中的龍蝦湯中，熱辣辣趁熱食，腐皮微脆，超美味。咖喱豬皮土魷：豬皮和土魷各半，夠淋夠入味，每件都掛上濃厚的咖喱汁。杞子玉帶燒賣：重份量的燒賣，滿滿的豬肉和蝦，配上大大的帶子，再以紅杞子點綴，增強視覺效果。酥炸龍皇鬚：魷魚鬚時粗時幼，不過都好好味，點到即止的粉漿蒜心蝦春卷：長長帶有蒜香味的蝦春卷，春卷皮又香又微脆不會散。黃金馬蹄條：真材實料的馬蹄條，甜度剛好，披上香口鬆化的粉漿，食唔停口，一碟四條，定價$50，份量太少啦。殷悅的炸物真心得，不油不膩，推薦。藍莓叉燒酥和蒜香荷香蒸龍躉頭腩飯也同樣出色。

餐廳既野食還好，但服務十分麻麻，服務其實似普通平價酒樓，對你粗聲粗氣。首先，野食還好，杞子笑、龍躉荷葉飯、蝦腸粉、鳳爪、燒賣味道唔錯同埋有特色，但唔會好驚艷到你，鮑魚糯米雞唔好食又唔抵食。另外，侍應服務差，我地一行5大1小，佢只比5個碗，最後埋單話計埋個小朋友，問一句佢就話要計埋架啦，但你都冇比到6 set 碗碟我，臨走問我地有冇渣車，最後又冇比free park個張單我地，要打翻去再拎。食一次，唔會有下次！

今日約左朋友去左荃灣殷悅酒店入面飲個靚茶，入到去環境都寬敞 坐得舒服，仲要係30樓望住荃灣靚景黎飲茶都係第一次👍🏻我地叫左🌟芝味妃子笑（圖1）見佢外形幾得意入面係大大粒蝦膠夾流心芝士，爽口彈牙 食落啖啖肉香茜牛肉腸粉牛肉都足料，不過不失龍蝦湯鮮竹卷龍蝦🦞湯好濃郁，鮮腐竹炸到脆卜卜，好好味！蒜蓉荷香蒸龍躉頭腩飯龍躉魚好嫩滑，而且份量都好多整體水準都非常高，用料新鮮選擇亦多服務員都好好咁幫我地分好哂個生日蛋糕