九龍粉麵 (Closed)

發覺灣仔好多跨區食店，有九龍城墨丸又有元朗豬雜，今次食呢間就係九龍粉麵😂 呢間舖面望落雖然冇乜特別，但禾稈冚珍珠，有唔少出色嘢食。當中最鐘意係激罕牛沙瓜，其實即係牛胃其中之一，因為體積少來貨少，所以市面都比較少見，而呢度嘅牛沙瓜燜到腍腍地又帶點嚼口，滷水味都入味✨另外麻辣手撕雞系列都係招牌菜，小食可揀腸粉，甜醬麻醬豉油，連埋炸醬同雞絲眾多配料，集成終極混醬腸粉，食唔到麻辣就可揀另上，聽講話個麻辣係正宗四川果隻麻辣黎😂 餓嘅可以揀撈麵，連個麻醬都係自家製，撈麵一流✨最近出咗新產品白松露餃，響餃子餡加咗白松露油，陣味就冇黑松露咁搶而偏細膩，餃湯都係亮點魚香鮮甜，值得一試✨