La Postre (荃灣廣場) (Closed)

回味一下同老公嘅拍拖感覺，工作太忙，實在少左好多拍拖生活，行街睇戲食飯直落，唔錯唔錯。老公非常識揀地帶豬黎La Postre，點解要讚佢識揀呢？因為豬覺得呢間餐廳好食又浪漫，仲照顧到豬嘅第2個胃，可以喺度食埋甜品🈵️餐廳燈光柔和，光線適中，唔會太黑覺得唔舒服。門口擺放左好多唔同嘅精緻蛋糕，本來豬喺門口睇到已經嗌要食，最後睇下餐牌，蛋糕敵不過窩夫😂講返餐廳入面，裝修華麗有格調，俾人一種寧靜舒適嘅感覺，簡約中透露出細緻，非常有情調。我地order左個西班牙海鮮炒飯，香橙雞胸沙律，一杯仲夏水果茶同鮮雜果Mojito。西班牙海鮮炒飯，有幾種唔同嘅海鮮，有蜆肉，青口，大蝦，大蝦仲要砌成個心形出黎，賣相拎滿分，份量都唔少架，我地2個食都覺得好夠，飯粒較濕潤唔會太乾，入口軟綿綿。味道方面，帶有番茄嘅酸味，仲有少少辣，每粒米都被呢種酸辣味包圍住，非常惹味，令人食唔停。香橙雞胸沙律好清新，蔬菜新鮮爽脆，入口清甜，加入酸酸甜甜嘅香橙，口感同味道嘅層次都提升左，令人陪感神怡。雞胸肉唔會好鞋，混合埋個特製醬汁，健康又美味。仲夏水果茶，熱熱喝一杯，好入喉之餘又解膩，亦令鮮果呈現出另一風味；除左有多種水果配搭，亦有