日喜樓 (Closed)

上星期喺銅鑼灣行街發現V Point地底下的餐廳變身為一間名叫為「日喜樓」的京川滬餐廳，下午兩點幾，見肚仔餓，一於走入去試試！一落到地底見到餐廳裝修都幾grand，好有風格，地方廣大，座位寬敞又舒適，帶埋一家大細黎家庭聚餐就最好不過菜單用平板電腦展示，夠晒新潮先進，選擇仲好豐富添日喜灌湯小籠包價值$63嘅小籠包到底質素如何？果然係冇失望！湯包外皮薄得來帶點嚼口，有麵粉香，內裡包住好軟腍的豬肉內餡，一咬開上湯汁就頓然湧出來，皮薄餡靚，非常juicy呢芙蓉三鮮三鮮分別係：帶子、鮑魚片、鮮蝦，三款海鮮都好新鮮，份量充足，爽口彈牙！芙蓉其實即係蛋白，蛋白份量都幾多，炒得非常嫩滑，加上黑醋後更能提鮮，送飯食就啱晒黃金薑米鱈魚粒炒飯炒飯用煲仔呈上，可以keep住溫度！黃金薑米的薑味唔算好重，反而好有鑊氣，鱈魚粒同飯都炒得好香口，炒飯粒粒分明，唔油膩，口感偏硬，有嚼勁，我鍾意總括而言，食物價錢合理而且幾高質，午市仲要免加一，物有所值啊！