Nunu燒 (Closed)

呢間中環嘅日本餐廳食物都算唔錯，不過非常反映到香港寸金尺土嘅特色。 啲三文魚都幾好食🍣🍣，逢系生嘅海鮮都幾好，但舊飯就無醋香，所以建議叫刺身好過壽司😝😝 我食咗牛油果炸蝦卷，個賣相唔錯，但佢每舊都內置wasabi🙈🙈有少少搶咗牛油果味🥑🥑。炸蝦好香🍤🍤，建議叫炸野。另外個牛油果軟殼蟹手卷都好正，軟殼蟹香脆無渣，只系紫菜就無咁脆了😄😄 豚肉烏冬水準唔錯🤓🤓湯底香，烏冬系較粗嗰種，但唔算太硬。好多片肉。加咗$20加黑松露，但佢淨系比個兜擺開個賣相麻麻😄😄但都比平時湯麵啲黑松露多嘅。呢度有個態度好好嘅waitress 姐姐嘅，不過其他人就一般般。座位比較窄😄😄我地坐Bar枱對正師傅手握壽司嘅位。當店員嚟拎壽司去傳菜，個手袖有幾次都掂到我地嘅食物，咁樣好容易有細菌傳播。