茶記冰室 (Closed)

放假12點幾餓餓地，去附近依間新嘢試下。人都幾多，搵左埋牆角落張4人枱。角落張梳化櫈油膩膩，個阿姐仲想趕我去坐，拒絕之。阿姐就好厭棄咁拉開張拼枱比我地兩丁友，但佢都係冇抹返乾淨入面張櫈。我有點兒潔癖，等野食果陣周身唔自在。依渡裝修係好新，但枱、櫈仲有個餐具櫃統同埋啲餐具通通油膩膩...叫左個40蚊餐，凍飲加3，有蕃茄豬扒公仔麵+火腿奄列+半塊厚多士。個奄列得幾條火腿好單薄。豬扒唔錯，厚薄剛好仲切開埋，炸到剛好，唔會鹹亦唔會太油。個蕃茄麵ok啦。但係，份量實在太細，港女食完唔飽仲可以再食多兩個蛋撻果種。