Fun Fun 串串鍋 (Closed)

揀呢間餐廳全因爲位置方便，位置係旺角銀城廣場對面；價錢平，百零蚊位；以及想試下串串火鍋。打開門就『嘩』咗一聲，好迫吖！一張四人枱，仲細過張公司枱，要身型細中碼嘅女性坐埋一枱就得。而且都冇政府所謂嘅保留一定嘅距離，枱與枱之間只係相隔一個人位。多少少空間都冇！湯底有6款，呢幾款麻辣湯/椰香海底椰子雞及藥膳胡椒魚肚湯，比較受歡迎。由於我哋食唔到辣，就揀咗藥膳胡椒魚肚湯，中意惹味嘅人啱晒。大家仲可以單點紙上面嘅食物呢度啲肥牛唔同黑豚腩片都幾好食除咗兩個大雪柜有火鍋料外，仲有好多串串。有百頁豆腐，有雞翼有豬腸，亦都有好多類似金菇肥牛卷嘅串串。例如牛肉包芫荽，豬肉包韭黃，呢幾個真係幾好食喎！嘢飲都真係好多款，有三份錫紙包講嘅無糖果汁幾特別。唔係好甜，大大包，特別係西柚菠蘿汁及熱情果橙汁，個個同事都啜左幾多包。共有五款雪糕撇除間餐廳又迫又窄外，呢度啲碗碗碟碟都唔係咁乾淨。我見到提供被客人夾食物嘅碟上面都有啲污跡，同埋人手唔係咁夠嘅關係，所以執碗碟呢度都慢啲，完！