Video
Read full review
2020-06-22
5216 views
一直聽講汀九有間私房菜，講到好特別又好食咁，咪試下囉。一試感覺真係不得了，每位成1000蚊，都整得咁難食，真係好特別前菜係一堆有機蔬菜，擺到成幅畫咁靚，但味道就好怪。仲要有個藍色嘅珠珠，話係湯嚟嘅，食落冇味，同珍珠奶茶啲珍珠唔知有乜嘢分別無水湯個名好得意，但原來只係冬瓜燉雞燉出嚟嘅汁，湯料要食番，隻雞仲要係鞋嘅，同工人姐姐燉既差唔多最出名嘅黃土雞，其實只係一隻燒雞，佢話係野生嘅雞，我都係第一次食咁肥既野生雞，可能係隻雞太懶冇乜點做運動啦玫瑰露鮑魚，個鮑魚啲肉實到咬唔開，職員仲特登過嚟叫我哋問吓個，玫瑰露話係真嘅玫瑰露，唔講我都唔知幾十蚊嘅玫瑰露都有機會做假，今次真係長知識了野生黑立魚話係係個海度捉返嚟嘅，條魚啲肉林到會散開，都係怪自己太懶俾個海佢都唔游水，搞到啲肉質咁差最驚嚇都係甜品疏乎厘，簡單到我地啲師奶都識整嘅，都可以未熟，食到成口都係泡沫蛋漿每位1000蚊，食啲咁嘅質素，都有咁多回頭客，只可以話香港人真係太有錢啦
一試感覺真係不得了，每位成1000蚊，都整得咁難食，真係好特別
前菜係一堆有機蔬菜，擺到成幅畫咁靚，但味道就好怪。仲要有個藍色嘅珠珠，話係湯嚟嘅，食落冇味，同珍珠奶茶啲珍珠唔知有乜嘢分別
無水湯個名好得意，但原來只係冬瓜燉雞燉出嚟嘅汁，湯料要食番，隻雞仲要係鞋嘅，同工人姐姐燉既差唔多
最出名嘅黃土雞，其實只係一隻燒雞，佢話係野生嘅雞，我都係第一次食咁肥既野生雞，可能係隻雞太懶冇乜點做運動啦
玫瑰露鮑魚，個鮑魚啲肉實到咬唔開，職員仲特登過嚟叫我哋問吓個，玫瑰露話係真嘅玫瑰露，唔講我都唔知幾十蚊嘅玫瑰露都有機會做假，今次真係長知識了
野生黑立魚話係係個海度捉返嚟嘅，條魚啲肉林到會散開，都係怪自己太懶俾個海佢都唔游水，搞到啲肉質咁差
最驚嚇都係甜品疏乎厘，簡單到我地啲師奶都識整嘅，都可以未熟，食到成口都係泡沫蛋漿
每位1000蚊，食啲咁嘅質素，都有咁多回頭客，只可以話香港人真係太有錢啦
$1100
197 views
9 likes
0 comments
Post
