Video
Read full review
2020-10-01
412 views
男朋友系上海人，但我同佢其實都系食日本野多😂中菜本身要整得好就好吾容易，所以平時都少食，硬系覺得好難食到高水準嘅中菜。今日佢竟然提出話不如食上海菜，可能系耐冇食所以掛住戈份味道喇？喺OpenRice搵到「上海弄堂菜肉餛飩」，睇啲相好似幾好食🤤呢間小店最出名嘅系餛飩，款式有幾款，記起自己都好耐冇食餛飩，呢樣食物確實能夠代表香港嘅地道風味。其他就分別有小食、點心、肉類等等。已經有好一段時間冇飲養生嘅湯😅喺呢度有款響螺蟲草燉雞養生湯，聽落都覺得滋補😊飲落更加feel到滋補嘅味道，響螺同埋燉雞嘅味道濃郁又唔會太鹹，飲落去好鮮。首先叫咗個熏魚，要整到好味嘅熏魚其實真係要相當嘅技巧，所以見到都唔係間間上海菜館都有呢道菜。唔好睇隻碟好似好細咁，實際上份量都幾多😳凍食嘅熏魚，令到夏天食熱辣辣嘅上海菜當中可以清涼一下。魚肉唔會話好碎，所以零舍有咬口。上海炒年糕真係上海菜入面好地道嘅一種菜式，大小吾算好大，不過食落都飽！呢份年糕嘅醬汁味真係好濃郁，食每一件年糕都feel到戈陣醬油味😋好惹味呀，質感仲好煙韌。其他材料仲有菜、冬菇、肉絲等等，都係索曬個醬汁，好濃味，尤其係冬菇。男朋友叫咗一份薺菜豬肉餛飩，呢度
呢間小店最出名嘅系餛飩，款式有幾款，記起自己都好耐冇食餛飩，呢樣食物確實能夠代表香港嘅地道風味。
其他就分別有小食、點心、肉類等等。
已經有好一段時間冇飲養生嘅湯😅喺呢度有款響螺蟲草燉雞養生湯，聽落都覺得滋補😊飲落更加feel到滋補嘅味道，響螺同埋燉雞嘅味道濃郁又唔會太鹹，飲落去好鮮。
響螺蟲草燉雞十全養生湯
$20
15 views
0 likes
0 comments
首先叫咗個熏魚，要整到好味嘅熏魚其實真係要相當嘅技巧，所以見到都唔係間間上海菜館都有呢道菜。唔好睇隻碟好似好細咁，實際上份量都幾多😳凍食嘅熏魚，令到夏天食熱辣辣嘅上海菜當中可以清涼一下。魚肉唔會話好碎，所以零舍有咬口。
上海炒年糕真係上海菜入面好地道嘅一種菜式，大小吾算好大，不過食落都飽！呢份年糕嘅醬汁味真係好濃郁，食每一件年糕都feel到戈陣醬油味😋好惹味呀，質感仲好煙韌。其他材料仲有菜、冬菇、肉絲等等，都係索曬個醬汁，好濃味，尤其係冬菇。
上海炒年糕
$80
13 views
0 likes
0 comments
男朋友叫咗一份薺菜豬肉餛飩，呢度嘅餛飩係真係好正宗，每一隻都好大隻😳皮薄餡靚不在話下。外皮軟軟地咁樣食完會好滿足，原本我對薺菜都一般😅佢係咁叫我試吓🙊試完之後發覺其實幾好食！個人覺得味道同白菜仔好相似，連埋豬肉食都幾配合。
薺菜豬肉餛飩
$62
19 views
0 likes
0 comments
炸排骨其實即係我哋平時食開嘅炸豬扒，不過上海人會叫炸排骨，酥炸嘅感覺真好😆最鍾意食炸嘢🙊炸豬扒相對之下少少遜色，可能係我擺得耐咗🙊食落去唔算好脆，不過肉質結實嘅口感依然能保持。
炸排骨
$40
37 views
0 likes
0 comments
嚟得呢度就梗係叫吓佢嘅招牌餛飩，「弄堂菜肉餛飩」同其他餛飩款式一樣，都係有分4隻同8隻嘅價錢。餛飩皮薄，食落去真係一啲都唔硬😄裏面嘅菜肉有少少似一個球體，菜同肉混合埋一齊，唔會話好散修修，呢一點值得一讚👍🏼菜肉嘅味道都好食。
弄堂菜肉餛飩
$30
25 views
0 likes
0 comments
最後叫咗幾隻小籠包，次次食上海菜都一定會食小籠包🤤佢嘅小籠包都整得相當吾錯！！外皮既濕潤度啱啱好，其實好難做到。裡面嘅肉餡好多汁勁juicy😍一啲都吾會話太乾，最緊要系啲肉吾會話又系好散戈啲，如果吾系就吾正宗喇。食完肉再食個外皮，一流。
小籠包
$40
32 views
0 likes
0 comments
Post
