一杯屋 (Closed)

上星期去咗銅鑼灣嘅「一杯屋 」食日本炭燒嘢，呢到嘅感覺十分地道，我都食咗唔少串燒，簡直係滋味無窮。乳酸梳打嗰日唔想飲酒，所以試試佢地嘅梳打。食完串燒飲就好清新。五花腩車厘茄肉質鮮嫩又唔會太肥，燒得啱啱好。第一次試加埋車厘茄咁食，啲汁爆出嚟同啲腩肉味好夾。免治雞肉串每次食串燒都要叫雞，哈哈！雞嫩又滑，好味！五花腩紫蘇卷 頭先講咗啲五花腩，呢個卷都好出色。日式炸豆腐外脆內滑，將普通嘅食材提昇到極致。炭燒極上牛舌勁大碟。彈牙爽口，加埋炭燒嘅香氣真係好吸引。甲羅燒呢個真係超香，蟹膏+蛋我中意！秋葵加木魚絲有冇人都中意食秋葵？燒完都好多水唔乾，原來加啲木魚絲食都唔錯。見到有人食鰻魚飯好似好正，下次再嚟食！