Kampoeng

Open Now

Now Closed

好掛住印尼菜，早前就帶阿媽去回味一下。銅鑼灣糖街一向都係姐姐集中地，特別多印尼商店及餐廳。kampoeng 係一間餐廳+商店於一身，地面層賣印尼小食，地下層就係餐廳，當日去到都有不少姐姐喺度幫襯，應該都好夠正宗。🔸印尼特色醬燒雞飯69非常鍾意佢哋嘅辣椒醬汁，香料味辣椒味都好出！炒得乾身好香！雞外皮夠脆，唔會太肥。伴碟仲有印尼沙律，沙嗲醬濃郁，仲有蝦片，好正。🔸印尼燒魚飯$72魚好大條，長過隻碟！外皮燒得好香魚肉保持嫩滑，加埋印尼辣椒醬好惹味好食！同樣有印尼沙律伴碟，加分！🔸沙嗲羊肉串三串$58燒得有炭火香，沙嗲醬微微辣甜甜地，好有地道風味。🔸熱咖啡🔸熱檸茶