Kampoeng

Open Now

Now Closed

今日落銅鑼灣出job, 同事話食東南亞印尼野，帶了我去呢度地牢食，我都唔知呢度下面係餐廳，同事話呢度係印尼正宗，我哋都見有好多東南亞人士嚟食。由同事發板，點了幾個小食、串燒同主食，3個人食都好足夠。炸雞肉球39有8粒，細細粒，一啖一粒，脆脆地，幾香口，入面好軟腍Juicy。炸雞肉餅$45望落去有d似四方型既咖喱角，幾大件，外層夠哂脆，入面係雞肉粒，咬入口同樣香口，不過東南亞煎炸食品係比較油膩。粟米餅$32同事極力推薦，外貌係幾吸引，食落香脆，入口之後d辣味慢慢滲出，好特別，內面係椰菜絲、紅蘿蔔絲同蛋，當然仲有大大粒鮮甜爽口粟米，調味好正，幾特別嘅小食。雞肉沙嗲（3串）$48雞肉串肉燒得金黃，外貌吸引，入口唔嚡，夠嫩滑，又惹味。特色印尼炒飯$68用菜心粒、紅蘿蔔絲、蛋同洋蔥炒，好香，炒飯相比起啲小食冇咁油膩。印尼炒貴叼$68炒貴叼好彈牙，配料同炒飯差不多，加上有炸得好香脆嘅紅蔥頭，感受到好似食緊印尼營多撈麵既味道，唔需要特別配料，個調味已經一百分。熱薑蜜$20最後飲返杯熱薑蜜清清油膩感，感覺好舒服。