Video
Read full review
2018-07-22
523 views
平時去銅鑼灣我都會成日經過糖街，但就真係好少留意到呢間印尼餐廳，今次純粹係因為想買一啲印尼小食，熱情嘅店員姐姐推介我到地庫嘅餐廳 晚飯。一講到印尼菜我即刻想起印尼炒飯。行樓梯到地庫就可以看到餐廳了，環境舒適寧靜，裝修好有特色。 估唔到餐廳嘅空間原來好大，而且二人套餐仲好抵食，真係唔使兩頭諗，一於點了東南亞風味二人餐$308，食套餐包括兩杯飲品，內容選擇豐富。前菜Gado-Gado，加多加多沙律好香椰汁味道，足料又好食，我最喜歡還是沙律的醬汁，清新開胃幾適合夏天食，仲有啲印尼蝦片添！接下來有豐富的雜錦拼盤，沙嗲雞肉串、牛肉串，熱辣辣肉嫩鮮甜，精華當然又係我喜歡嘅沙嗲汁，夠香濃。春卷生菜包，我掛住食忘記了包生菜，春卷香脆。喜歡他們每個菜式都加上幾片印尼蝦片呢！ 主食我們都喜歡巴東牛肉，呢度真係做得好好味，就好似廣東嘅牛腩咁，炆得好淋好入味，蒜片香脆可口，如果有碗白飯撈汁就更加正！ 到我很懷念的印尼炒飯，炒得很出色，飯夠晒乾身，一粒一粒的最高境界，而且份量夠大，兩個人食真係會飽。最後係蝦醬通菜，店員行緊埋嚟嘅時候我哋已經聞到好香的蝦醬味，食落肚果然惹味。最後仲飲埋杯印尼咖啡，今晚真係做咗印尼
行樓梯到地庫就可以看到餐廳了，環境舒適寧靜，裝修好有特色。
估唔到餐廳嘅空間原來好大，而且二人套餐仲好抵食，真係唔使兩頭諗，一於點了東南亞風味二人餐$308，食套餐包括兩杯飲品，內容選擇豐富。
前菜Gado-Gado，加多加多沙律好香椰汁味道，足料又好食，我最喜歡還是沙律的醬汁，清新開胃幾適合夏天食，仲有啲印尼蝦片添！
接下來有豐富的雜錦拼盤，沙嗲雞肉串、牛肉串，熱辣辣肉嫩鮮甜，精華當然又係我喜歡嘅沙嗲汁，夠香濃。春卷生菜包，我掛住食忘記了包生菜，春卷香脆。喜歡他們每個菜式都加上幾片印尼蝦片呢！
主食我們都喜歡巴東牛肉，呢度真係做得好好味，就好似廣東嘅牛腩咁，炆得好淋好入味，蒜片香脆可口，如果有碗白飯撈汁就更加正！
到我很懷念的印尼炒飯，炒得很出色，飯夠晒乾身，一粒一粒的最高境界，而且份量夠大，兩個人食真係會飽。
最後係蝦醬通菜，店員行緊埋嚟嘅時候我哋已經聞到好香的蝦醬味，食落肚果然惹味。
最後仲飲埋杯印尼咖啡，今晚真係做咗印尼姐姐，風味不錯。
Post
