Video
Read full review
2019-12-22
864 views
一講素食，多數人都會覺得好寡，無肉食，食唔飽。但係鐘意食咖哩同辣野既我，無意中見到呢間餐廳，覺得幾新鮮就同朋友入左去食。當日入到去完全無本地人，全部都係外國人同印度人，開頭都有少少驚恐。。。不過侍應都有另外再拎中文餐牌比我地慢慢睇，而且我地研究左叫咩食好耐都無催我地。最後我地叫左奶酪菠菜，印度粘土烤特式奶酪串燒，大蒜烤餅，鮮青檸水同印度奶昔。先講奶酪串燒，佢用左兩隻醬去整，每款三粒。佢地既芝士同我地食開既芝士好唔同，呢款芝士口感有啲似豆腐，而且完全唔膻，唔似食開既芝士咁比較軟滑。個兩款醬都係有少少辣，食落去有少少分別，我比較鐘意青色個款，比較清啲，個味無咁複雜。跟住係奶酪菠菜，佢係將菠菜打成蓉，煮到好似咖哩咁既質地。我開頭以為會完全唔辣，有奶油香味咁，點知佢完全唔係我想像中既咁。佢唔會點食到菠菜既味，反而似清新版既咖哩，有少少辣，唔似咖哩咁濃味，我鐘意呢款！大蒜烤餅都幾大塊，有少少油，不過都幾香口同軟身，又係幾好食。鮮青檸水好新奇，因為我地叫個陣侍應有問要咸定甜，朋友話mix，咁所以呢杯青檸水係咸咸地既，有啲似咸檸七，不過佢唔係"七"，飲落去覺得會對喉嚨幾好哈哈。我叫左芒果印度奶昔，首
當日入到去完全無本地人，全部都係外國人同印度人，開頭都有少少驚恐。。。不過侍應都有另外再拎中文餐牌比我地慢慢睇，而且我地研究左叫咩食好耐都無催我地。
最後我地叫左奶酪菠菜，印度粘土烤特式奶酪串燒，大蒜烤餅，鮮青檸水同印度奶昔。
印度粘土烤特式奶酪串燒
26 views
0 likes
0 comments
先講奶酪串燒，佢用左兩隻醬去整，每款三粒。佢地既芝士同我地食開既芝士好唔同，呢款芝士口感有啲似豆腐，而且完全唔膻，唔似食開既芝士咁比較軟滑。個兩款醬都係有少少辣，食落去有少少分別，我比較鐘意青色個款，比較清啲，個味無咁複雜。
奶酪菠菜
24 views
0 likes
0 comments
跟住係奶酪菠菜，佢係將菠菜打成蓉，煮到好似咖哩咁既質地。我開頭以為會完全唔辣，有奶油香味咁，點知佢完全唔係我想像中既咁。佢唔會點食到菠菜既味，反而似清新版既咖哩，有少少辣，唔似咖哩咁濃味，我鐘意呢款！
大蒜烤餅
14 views
0 likes
0 comments
大蒜烤餅都幾大塊，有少少油，不過都幾香口同軟身，又係幾好食。
鮮青檸水好新奇，因為我地叫個陣侍應有問要咸定甜，朋友話mix，咁所以呢杯青檸水係咸咸地既，有啲似咸檸七，不過佢唔係"七"，飲落去覺得會對喉嚨幾好哈哈。
我叫左芒果印度奶昔，首先佢杯野飲本身個味係好飲既，但係我唔係好鐘意入面有啲好似籽咁既野，應該係香料？咬碎左佢個陣味我麻麻地，如果可以唔要啲籽就好啦！！！
侍應見我地叫咁少野食，有主動行埋黎介紹下佢地既主食---飯同麵，同埋問我地有無興趣食下甜品。但係雖然我地叫得唔多野食，都已經好飽，就無再加單啦～咁nice既侍應已經將我剛剛黎到個啲驚恐消滅左～
Post
