屯門咖喱屋

Open Now

Now Closed

經開屯門置樂又係時候食晏，見到路邊嘅咖喱屋餐廳，見有好多食客，所以就貿然入去。午餐價錢合理，有湯有飯有烤餅有菜又有肉連飲品都係$50起，我點咗一份咖喱魚午餐，再加印度拉茶。可能因為太多客嘅關係，所以都冇乜人招呼，不過上菜速度快，個侍應擺咗一個空嘅杯喺我面前，心諗咁奇怪嘅？見拉茶遲遲未到，吹咗服務員好幾次都未有，原來要廚房師傅走出嚟表演喺你面前將奶茶左倒右倒左倒右倒之後先至比一個先至倒喺你個空杯度。咖哩唔太辣，可能迎合左香港口味，拉茶幾特別，有香料味，可以一試！