一葉台灣料理

Open Now

Now Closed

今日同朋友去咗鰂魚涌地鐵站附近一間台式料理餐廳食晚飯。餐廳環境舒適，而且佢啲食物都好地道有一啲台灣嘅小炒。我自己叫咗古早味家鄉拌麵配雞排。呢碗拌麵真係好有台灣特色，麵條煮得啱啱好，口感滑順，唔會太硬。拌麵嘅調味汁味道濃郁，帶有一啲微微嘅甜味，裏面有啲滷肉，所以有啲肉汁，食落去非常開胃。最吸引嘅就係上面嗰塊炸雞排，外脆內嫩，雞肉鮮嫩多汁，咬落去好有滿足感！ 而且身邊有一個醬汁，我覺得同個雞扒幾夾！本身雞排嘅脆皮上面，佢沈有少少甜粉，唔確定係堂定係台灣嗰隻梅粉！整體來講幾特別！招牌牛肉炒飯炒飯嘅顏色金黃，夠晒鑊氣，粒粒分明，唔會黏埋一齊。牛肉炒得剛剛好，嫩滑又唔油膩，味道相當鮮美，仲有一啲蔥花同埋胡椒粉嘅提味，飯粒吸收咗牛肉嘅鮮味！重點係真係超級大碟，本身諗住叫小炒最後都嗌唔到啦。總括來講，今次嘅晚餐真係非常滿意，無論係拌麵定炒飯，味道偏向地道。如果你鍾意台灣美食，真心推薦大家去試下呢間餐廳，絕對唔會失望！下次再嚟一定要試下佢哋其他嘅招牌菜！