Video
Read full review
2022-07-13
141 views
行過見到呢間台灣餐廳都幾多人食，掛住台灣既我去唔到台灣，唯有同朋友黎食台灣野思鄉。我地叫左3個套餐再加小食。鹽酥雞同甜不辣炸得好香口但唔膩，甜不辣調味唔錯，應該加左椒鹽粉，鹽酥雞加左九層塔減少膩感。炸物大家都係一口接一口，完全停唔到😋鹽水雞好滑，加左唔少蔬菜同菇，好fresh，好啱夏天唔想食咁heavy 既時候黎食。滷肉飯同出面食既好唔同，啲肉唔會好肥（我唔中意食肥豬肉都接受到），香口得黎食完都唔會有滯住滯住既感覺。花雕麻油雞湯酒味幾香濃，好足料，仲落左杞子、金菇、豆卜，好快飲曬成碗。滷肉青菜正常發揮，飲品個人覺得略甜（平時飲開微甜），螞蟻人可能會比較中意，我下次黎應該會叫走甜。雖然價錢唔算好平價，但感覺到食物既誠意，下次黎會想再試埋蛋餅同其他炸物😆
我地叫左3個套餐再加小食。鹽酥雞同甜不辣炸得好香口但唔膩，甜不辣調味唔錯，應該加左椒鹽粉，鹽酥雞加左九層塔減少膩感。炸物大家都係一口接一口，完全停唔到😋鹽水雞好滑，加左唔少蔬菜同菇，好fresh，好啱夏天唔想食咁heavy 既時候黎食。滷肉飯同出面食既好唔同，啲肉唔會好肥（我唔中意食肥豬肉都接受到），香口得黎食完都唔會有滯住滯住既感覺。花雕麻油雞湯酒味幾香濃，好足料，仲落左杞子、金菇、豆卜，好快飲曬成碗。滷肉青菜正常發揮，飲品個人覺得略甜（平時飲開微甜），螞蟻人可能會比較中意，我下次黎應該會叫走甜。
雖然價錢唔算好平價，但感覺到食物既誠意，下次黎會想再試埋蛋餅同其他炸物😆
Post
