石亭居酒屋

Open Now

Now Closed

朋友推介呢間小店，主打多款特色日式料理，內裡佈置帶點懷舊風，好有日本家鄉嘅感覺，燈光偏暗，氣氛滿滿，另外環境唔大所以要預先留位先可以入座～ 適合三五知己過嚟聚餐😆前菜有芝士酒盜同蟹肉沙律，前者紅麴、豆瓣醬、酵母發酵而成，cream cheese味好重，鹹香突出，令人一試愛上、蟹肉沙律大大碟，口感爽脆，食落鮮甜，十分開胃🤤刺身有金目鯛，魚肉白身，肉質細膩同時帶點爽口，入口鮮甜美味， 搭配調味料有助提升整體嘅鮮與甜度！壽司方面叫咗左口魚、深海池魚同海膽，建議由淡食到濃，魚油滿滿，超級滑身，層次豐富，每款都各有千秋～ 燒物都有幾多選擇，蕃茄同露筍配上豚肉可降低油膩感，雞全翼燒至外脆內嫩，入味又juicy～ 個人推介鹽燒白鱔，外皮香脆，魚肉嫩滑，啖啖肉，加埋柚子好refreshing～ 唔夠飽嘅話可以叫埋鰻魚飯，兩大條鰻魚鋪喺面，醬汁濃郁但唔會蓋過本身鰻魚嘅魚油香味，飯粒粒分明，值得一試🐟