六味屋

Open Now

Now Closed

太古城新開咗間日本拉麵店，餐廳充滿日式風情，餐廳名叫六味屋，原來係代表緊六隻拉麵，分別係甜，酸，苦，辣，咸，鮮味道。除咗拉麵外，餐牌亦有飯丼，小食及飲品選擇。我地兩個人，每人揀咗一款拉麵，加一份炸雞小食share。 「甜」: 京都風西京味噌拉麵 （$85）- 呢個係店員推介，味噌湯味道甘甜。麵質彈牙，亦做到掛湯效果。入面有豚肉，肥瘦適中，另外仲有炸紫薯片，十分香脆。湯底仲有唔少洋蔥粒，成碗麵嘅味道好豐富。 「鮮」: 白醬油昆布拉麵($128) - 呢個用咗白醬油湯底，入面配料有帶子、慢煮雞叉燒、北海道細絲昆布同鹽昆布，鍾意佢味道清得來帶鮮甜，口感比較細緻。 唐揚炸雞（＄38）-  雞炸得好香，粉漿唔會厚，入口係薄薄嘅炸皮，連埋鮮嫩嘅雞肉，好味呀。 小店環境充滿日系感覺，有如置身日本拉麵小店，食物質素不錯。拉麵種類相當有特色，有別於一般食開嘅拉麵配搭，拉麵控可以一試。