拉麵天王

Open Now

Now Closed

餐廳地理位置好好，黃埔港鐵站一出行幾分鐘就到，我本身好鍾意食拉麵，見到呢度咁多正評梗係要試試！餐廳裝修樸實，但係好有日本拉麵店嘅感覺，入門口就有長bar枱，可以望住師傅煮麵添！黑天王拉麵湯底有好濃嘅黑蒜味，我揀咗較硬身嘅拉麵，軟硬度煮得啱啱好，流心蛋真係好流心，叉燒薄身有入口即溶嘅感覺。豚角煮三個字：好入味！一啖一粒岩岩好。限定天王拉麵唔同季節有唔同嘅食材去煮，今次就係用左胡椒再配上芝士，小小辛辣之餘拉麵又會有芝士拉絲，幾特別同好味嘅配搭。煎餃子一上枱就比男朋友食晒，煎得好香脆，餃子餡係用咗椰菜絲配豬肉，好地道嘅日本口味。