Video
Read full review
2021-12-29
406 views
今次要介紹下哩間位於旺角嘅人龍越南河. 鋪頭細細幾隱世, 不過出面長期都有人排隊, 就知幾受歡迎啦~ 店舖入面認真係小店格局, 加埋都無廿個位, 難怪要排隊啦! 餐廳主打地道河料理, 招牌嘅有河内牛柳粉同奧巴馬訪越嗰陣時食嘅碳燒豬肉伴越南檬粉. 小食方面米紙卷呀, 牛油雞翼等大路嘅野都有. 飲品方面就比較特別, 老闆話佢哋嘅柑桔同熱情果每星期都會由河內新鮮空運到港, 所以佢哋嘅柑桔梳打同熱情果梳打特別新鮮. 今次我一支公黎, 所以試唔哂咁多樣野, 淨係食左:1. 招牌牛柳牛丸粉 Pho Bo Vien $96 - 賣相已經好吸引, 份量好足, 牛丸切半有七至八粒, 牛肉用上薄切牛柳, 走肥, 非常正宗, 好有喺河內食嘅感覺, 配埋個油條, 直情好似去左河內咁! 食pho第一時間當然要試下個湯, 望落去好清, 無乜油, 可放心飲用. 一飲落去同望落感覺好唔同, 牛味好香, 應該用左牛骨煲左好耐, 咸度適中, 而且無味精, 完全真材實料, 好飲! 河粉係用幼河, 煮到好稔身, 一啖粉加一啖湯啱啱好. 之後我加埋辣椒同青檸落去, 更能帶出陣陣牛味, 更加好飲. 牛柳同牛丸都值得一讚, 牛柳雖
今次要介紹下哩間位於旺角嘅人龍越南河. 鋪頭細細幾隱世, 不過出面長期都有人排隊, 就知幾受歡迎啦~ 店舖入面認真係小店格局, 加埋都無廿個位, 難怪要排隊啦! 餐廳主打地道河料理, 招牌嘅有河内牛柳粉同奧巴馬訪越嗰陣時食嘅碳燒豬肉伴越南檬粉. 小食方面米紙卷呀, 牛油雞翼等大路嘅野都有. 飲品方面就比較特別, 老闆話佢哋嘅柑桔同熱情果每星期都會由河內新鮮空運到港, 所以佢哋嘅柑桔梳打同熱情果梳打特別新鮮. 今次我一支公黎, 所以試唔哂咁多樣野, 淨係食左:
1. 招牌牛柳牛丸粉 Pho Bo Vien $96 - 賣相已經好吸引, 份量好足, 牛丸切半有七至八粒, 牛肉用上薄切牛柳, 走肥, 非常正宗, 好有喺河內食嘅感覺, 配埋個油條, 直情好似去左河內咁! 食pho第一時間當然要試下個湯, 望落去好清, 無乜油, 可放心飲用. 一飲落去同望落感覺好唔同, 牛味好香, 應該用左牛骨煲左好耐, 咸度適中, 而且無味精, 完全真材實料, 好飲! 河粉係用幼河, 煮到好稔身, 一啖粉加一啖湯啱啱好. 之後我加埋辣椒同青檸落去, 更能帶出陣陣牛味, 更加好飲. 牛柳同牛丸都值得一讚, 牛柳雖然無乜肥肉但完全唔鞋, 牛丸非常彈牙, 我覺得比越南食嘅仲要好, 真心推介👍🏻👍🏻👍🏻
2. 柑桔梳打 $28 - 由於碗pho份量真係大, 我都食唔落其他小食了. 試下老闆推介嘅柑桔梳打, 果然, 同其他地方飲有分別, 柑桔唔係得個酸字, 而係有陣陣青香, 好refresh好清新, 食飽飲即刻無左個飽滯感, 推介👍🏻👍🏻👍🏻
同場其他客有一半都有食奧巴馬粉, 而且評價好高, 下次一定要試!
私心評分
食物質素 ⭐️⭐️⭐️⭐️💫
性價比⭐️⭐️⭐️⭐️
Post