亞泰廚房 (Closed)

去九龍城食野，梗係食泰國菜啦，見到呢間個名咁特別即管入去試吓。泰國菜必點的泰式拼盤，有魚餅，春卷，荷葉包雞，墨魚餅，一上枱大大碟，又熱辣辣，捉到四人份量。春卷很脆口，墨魚餅就最好味，外層炸至金黃色，吃入口亦很彈牙，點埋泰式甜酸醬真係冇得頂。我最愛吃的燒豬頸肉，外層燒至碳啡色，點埋豬頸肉醬，酸酸辣辣，又香口，冇得頂。咖喱軟殼蟹包，上碟的時候會附帶有把刀，首先我會在中間切開個包，跟住啲咖喱汁就會湧出來，搣一片麵包再點下啲咖哩，吃入口有濃郁的椰汁味，麵包本身已焗過的，所以口感脆香，兩者走埋一齊真係很夾，軟殼蟹炸至金黃色，外脆內軟，很鮮味，好食。