亞泰廚房 (Closed)

第一道點咗嘅菜係馬拉盞通菜，同其他同類型嘅泰國菜比較，此道菜係本人食過最野味嘅。第二道菜係明爐魚，lee度菜用咗該店特製嘅檸檬汁，味道不錯。最後一道菜係芋頭焗飯，但個飯感覺有點鹹。

幾個月無食泰國菜，平時係九龍城食開一間，但今次想試下食另一間餐廳就選擇左呢間試下，先講環境方面企企理理。野食方面我地叫左個冬陰公湯（細），湯好濃味，辣度就好輕微，酸味都係好輕微，入面隻蝦唔知佢係米因度煲得耐，所以唔彈牙，老老地晦晦地，菇都好足夠，味道都唔太錯，太肚餓，飲左先記得影相仲有辣椒膏炒大蜆，呢個都好難唔好食，除非蜆唔新鮮，佢地既蜆正正常常，又唔會話好新鮮，88蚊碟價錢合理叫左條鹽焗烏頭魚，呢條魚我地都等左d時間，食完上面2樣再等左一陣先黎，條魚燒得好靚，但食食下中間差唔多中尾位仲有血要叫佢地再翻焗，好失望最後個飯我地叫左香葉肉碎炒飯（豬），呢個都係普普通通，夠辣，好少肉碎，但我覺得還是我原本我係幫襯開個間比較好食我叫左杯青檸沙冰邊食邊飲，沙冰好飲店員係有禮貌，見我地碟多蜆殼會主動同我地換碗碟餐具，但出單時一定要睇清楚單，因為我地本身叫小食拼盤之後再即改大蜆，但佢地忘記改單，同要了一個外賣盒，佢地計左2個，要提點更正。烏頭有血個度，我食完飯之後唔知係米呢個原因我痾左2次😅😅😅陣陣肚痛左成晚

麵包🥯咖喱🍛軟殼蟹🦀 $168軟殼蟹🦀都有4-5 舊 好食🤤 唔會話太厚粉咖喱🍛汁 偏鹹🧂 點包🍞啱啱好👍🏼個包🥯都好大個 好厚🥖 我地兩個人👯‍♂️最後食唔晒 要打包🤲🏻雖然有啲貴💵 但我覺得好值得食🧘🏼🧘🏻‍♂️回頭度 🌟🌟🌟🌟（五星滿分）泰式炒🔥金邊粉🍝 $88依個金邊粉🍝唔會話一味得酸🥫佢係第一啖酸酸地 然後就會甜番🍽同埋佢同其他店🏘唔同嘅係 佢有一層薄薄嘅蛋🍳係上邊加埋啲麵🍝口感👅都幾特別🥢呢個我都比好高分👍🏼我覺得好有水準總結👀呢間鋪🏡雖然啲嘢都算貴💰 但我覺得都值得呢個價錢💸嘅 因為真係都幾好食🤤👻回頭度🌟🌟🌟🌟 （五星滿分）

最近都食左好幾餐泰國菜，好多都覺得平平無奇。今次終於黎到泰菜最出名嘅九龍城😂選擇太多，最後揀左九龍城廣場附近嘅亞泰廚房～明爐青檸烏頭 ($168)見到隔離檯食明爐烏頭已經被吸引左 ，果然好食！本身湯頭係酸酸地，再加青檸同蔥蒜等配料，惹味得黎唔會酸到打冷陣😋魚上檯前預先煮熟，骨位果D都熟透，所以等湯汁熱左就食得～魚好嫩滑，食到尾都唔會鞋口沙嗲串燒 ($88)呢碟串燒一共有豬牛雞各2串，每串都有4-5舊，大大舊好足料。豬同雞肉好食D，牛肉有少少鞋口重點係個沙嗲汁，好濃郁、好香！泰式炒通菜($68)另外點多個炒菜，呢個我覺得有驚喜～用最簡單嘅椒絲同蒜炒，但佢做到夠火候，上碟時出晒煙香噴噴，都幾開胃～最後就係飲品啦，我地叫左椰青($34) 椰青水好甜，雪得又夠凍同椰汁冰($28) 味道濃郁，不會太甜2個人食實在點得唔多野，今次點嘅呢3道餸都好好味，絕對係有驚喜～呢間算係質素比較好的一間 ，下次要再黎試下其他！

鋪頭地方算大，但位與位之間坐得好寬趟。- 濕炒海鮮河👍🏻 新鮮熱辣，食得出係即叫即煮嘅味道。不過，失色嘅係用冰鮮海鮮，無咩海鮮味，但其他味道搭救。- 安格斯牛扒，同樣係新鮮熱辣，肉質好嫩滑，都有少許牛肉味。- 爐魚，真心好味，新鮮煮出來，仲有好多魚鱗片😂。仲好細心好味，好有泰feel。另上一碗湯，方便一路煮時，一路加湯，唔怕煮乾，我地連配菜都食清😂😂相信大廚應該係泰国人，仲有好多泰國伙記。佢地傾住謁，感覺似喺泰國咁。已經幚襯左好幾次，依然keep住水準。而家唸起食泰菜，九龍城呢間 '阿泰廚房無得輸，我嘅首選😌

去得九龍城，10個有9個人都會揀食泰國餐~今日lunch 就試下小店啦！我地一坐低都未叫野食，侍應姐姐就俾左每人一個湯我地先，臤務好好！我叫左一個燒豬頸肉飯$48，豬頸肉燒得好香好好味！我下載左THE GULU App 買入面既升升券(即係現金套券)，用$90就可以買到一套2張總共$100現金券，可以用再平啲價錢食到亞泰廚房，正呀！

香港夏天熱辣辣 尤其是中午 食慾大減 剛剛遇着啱啱 今日去開九龍城 就食吓泰國餐開吓胃 今次就試吓名人介紹既 亞泰廚房中午時分就梗係叫個午時套餐啦 每個組合都係四五十蚊 宜家香港既特色菜就叫平啦 我就叫咗個青咖喱雞飯啦青咖喱好足料 有豆角 茄子 九層塔 辣椒 同埋雞 第一口食落好有椰香 甜味好夠 一心諗住係甜咖喱啦 點知食多幾啖 辣味就出咗 即刻食多幾口飯 食到一半就叫返個泰式飲品飲下啦 套餐加多少少錢 就叫咗杯椰汁冰 解渴得來又幾消暑整體性價比都唔錯 夏天冇乜胃口食嘢 就食吓泰國嘢開口胃啦

亞泰廚房星期二下午咁啱去九龍城做運動，去九龍城食咩好？我諗你問10個人9個都話梗係食泰國野啦！好多間岀名d既我地都試過，今日lunch 就試下小店啦！亞泰廚房我地三個人一坐低都未叫野食，侍應姐姐就俾左每人一個湯我地先，係個種通常配海南雞飯既冬瓜湯。燒豬頸肉飯$48係我衰😂因爲我太肚餓，佢一黎到，我就暴風掃落葉咁食哂燒得好香，再加個少辣既汁，真係絕配！泰式海南雞飯$48海南雞肉質好鮮嫩，油飯亦都啱啱好！青咖哩雞配白飯$48唔辣又甜甜地，真係好啱同餸飯呀

同朋友中午路過，見到餐廳外貼滿胡慧冲照片，諗住似有名人光顧及推介，又見餐廳內感覺其理所以就入去一試，點知其實係伏既，下次都係睇清楚食評先入去。首先論食物既款式、論賣相其實沒有什麼特別之處，論食物味道亦非常一般、價錢亦沒有優勝的特別平，服務態度更是惡劣，點餐時那位疑似老闆的男人態度不可一世囂張冷漠，問什麼都好像不願意回答那樣。相比之下其實九龍城泰國菜選擇多的是，所以真心絕對不會選擇光顧第二次了。特別一提係個冬陰公湯金邊粉，連個冬陰公湯底都唔好味，金邊粉仲要超硬難食。

上星期去亞泰廚房食晚飯，兩個人點兩個餸已夠$200，可以半價$59買半隻泰式海南雞😬，隻雞又薄皮又嫩滑，麵包咖哩軟殼蟹個汁點包食好正，泰國傳統甜品南瓜布甸連住南瓜上枱唔係間間都食到，似日本南瓜又粉又清甜😋，平均每人$150已食到要打包，下次要多些人來試更多菜式至得！

had high Hope's since Kowloon City is known for its Thai restaurants.ordered the pork fried rice noodles with soy sauce. looked ok at first and was excited to taste. did not deliver. the pork for tough and bland. there was no spices which made the dish very ordinary. did not taste anything Thai.the pork chop rice didn't look or taste appetizing. the presentation was appalling and the taste was the same. the pork chop was tough, dry and paper thin.

又係食泰菜明爐烏頭做緊特價$88 個湯同其他泰菜鋪唔同係多好多蒜頭 酸得嚟特別香之後係菠蘿炒飯 我見牆d相都係配普通青瓜 但唔知點解呢個係2隻青口 飯量十足併盤 有蝦餅 魚餅 春卷 包住嘅係雞 蝦餅係之前食開嘅正常size 冇縮水

尋晚同個fd第一次去食呢間嘢，叫咗一個炸蝦餅(食評話呢個ok)，咁緊係要試下啦，蠔餅，海鮮炒飯，店員話叫夠$200可以加$59叫半隻海南雞，於是叫咗半隻。首先炸蝦餅，睇咗食評先叫就無中伏啦，個蝦餅ok唔太粉，蠔餅係泰式嘢叫蠔餅真係有啲笨，個蠔餅分3層，第一層係蠔加咪炸粉一齊煎，第二層係煎蛋，第三層芽菜，呢3層係完全分開，可能係泰式蠔餅好唔同，味道都過得去，但千奇唔好預係你平時食開㗎蠔餅，個海鮮炒飯都足料有蝦同魷魚味道一般般，而個海南雞就伏到，完全唔係海南雞，肉質好鞋係深色版㗎白切雞黎，店內大多職員係泰國人，我地未食晒就開始幫我地收嘢

想食泰國野，就係九龍城求其揀一間，見到有優惠，又想食魚，所以就食你啦，亞泰廚房。是日優惠只可以三選一，我地就揀左泰式爐魚，天氣涼涼地，有個火熱住條魚好似幾正咁，不過就覺得個味淡左啲。豬頸肉個汁好好食呀！叫左個細既冬陰公，本身望落個樣好似麻麻地咁，又無配料，以為唔對路啦，不過飲落都ok, 好夠味，辣辣地，又有蒜香味。炒濕河(牛) ，大大碟都好足料，河粉都算多，有炒既香味，唔會糊晒。兩個人晚餐$246 ，呢間質素都ok👍🏻👍🏻 可以一試😊

泰色燒尤魚：好 juicy，唔會乾曾曾，而且都好大隻咸肉炒芥蘭：一上台已經香噴噴，好味👍酸菜烏頭：老闆話烏頭係元朗直送，有斤幾兩斤一條，而家新開張優惠只係88蚊，我覺得好抵，因為真係幾大條，啖啖肉，而且酸菜開胃又唔會搶走魚既鮮味泰色生蝦：比平時出面食既生蝦大隻小小，但味道就唔算特別驚喜蒜蓉包：好好食，熱辣辣，脆卜卜另外見佢有個軟殼蟹咖哩包都好多人食，但今次太飽無吃到，下一次會試下呢間餐廳環境唔錯，乾淨舒服，仲有BB椅，當日我地係門口睇餐牌，員工都係門口推介，心郁郁想試，但我地未齊人，員工都話可以坐住等，真心覺得呢個服務好好