Video
Read full review
2019-10-19
597 views
今日黎到西貢，真係好多人好熱鬧呀，海邊周圍都係人。天色好好，藍天白雲，唔怪得咁多人。市中心依度有條食街，有好多特色鋪，當中泰國鋪都佔唔小數。有間長期都好多人既旺泰特色，價錢相宜，店員都係泰國人，所以應該都係唔錯。六點幾左右，食街果間已經勁多人排隊，所以我地就去左麥記隔離果間，駁下有無位。去到鋪入面有位，但都係reserved seat，店員於是開左街邊位比我地坐，然後之後既人都要等，好彩！問店員去拎多張櫈去放野，都好樂意比，幾好態度。佢野食價錢相宜，睇隔離櫈份量都唔錯。我地叫左一個串燒(牛、雞、豬各3)、泰式粉絲、蒜蓉椰菜苗，野飲叫左青檸梳打同椰汁冰。埋單$292。等左十分鐘左右，終於有野食。串燒唔錯，不過温度係微暖，可能攤凍左。雞肉幾滑，豬串係豬頸肉，不過有啲un，牛肉幾濃味，有用泰式辣醬醃過，再另外有沙爹汁送，好惹味。今次第一次食泰式炒粉絲，發覺pad thai種炒法+粉絲仲好味。佢花生同青檸分開左，方便唔食既人，幾細心。另外佢炒料除左有芽菜、豆乾外，亦有啲蝦米同肉蒲，同埋海蝦，係好既配搭，而且食落唔過酸，可以encore!蒜蓉炒椰菜苗，熱辣辣，好多蒜粒，好重蒜味！飲品方面，椰汁冰
市中心依度有條食街，有好多特色鋪，當中泰國鋪都佔唔小數。有間長期都好多人既旺泰特色，價錢相宜，店員都係泰國人，所以應該都係唔錯。
六點幾左右，食街果間已經勁多人排隊，所以我地就去左麥記隔離果間，駁下有無位。
去到鋪入面有位，但都係reserved seat，店員於是開左街邊位比我地坐，然後之後既人都要等，好彩！問店員去拎多張櫈去放野，都好樂意比，幾好態度。
佢野食價錢相宜，睇隔離櫈份量都唔錯。
我地叫左一個串燒(牛、雞、豬各3)、泰式粉絲、蒜蓉椰菜苗，野飲叫左青檸梳打同椰汁冰。埋單$292。
等左十分鐘左右，終於有野食。
串燒唔錯，不過温度係微暖，可能攤凍左。雞肉幾滑，豬串係豬頸肉，不過有啲un，牛肉幾濃味，有用泰式辣醬醃過，再另外有沙爹汁送，好惹味。
今次第一次食泰式炒粉絲，發覺pad thai種炒法+粉絲仲好味。佢花生同青檸分開左，方便唔食既人，幾細心。另外佢炒料除左有芽菜、豆乾外，亦有啲蝦米同肉蒲，同埋海蝦，係好既配搭，而且食落唔過酸，可以encore!
蒜蓉炒椰菜苗，熱辣辣，好多蒜粒，好重蒜味！
飲品方面，椰汁冰既椰子味好重，就算啲冰溶左，都好重味。青檸梳打唔會過甜，好好飲！
總結，黎西貢試下依間餐廳都唔錯，時值秋高氣爽，行完山，坐下大排檔食泰菜都唔錯！
Post
