金蘭花泰國菜館

Open Now

Now Closed

前日係我生日，但因為屋企人個個都要返工，第二日要返工又唔想收工食得好趕頭趕命返屋企，咁多人媽媽又話唔想買餸係屋企煮完食完又要洗碗咁辛苦，就決定今日收工全部聚埋一齊出街食餐飯。阿哥結咗婚就搬咗出去住，家姐就上年都搬埋出去住，大家約埋食餐飯都好難㗎，所以今日我哋就揀咗大家嘅中心點九龍城度食飯，食咩就阿嫂決定嘅我一開頭都唔知，嚟到先知原來食泰國嘢，呢度人流幾多，不過都係等一陣就有位啦，佢呢度啲嘢食整得好好食。特別想同大家講下嘅係佢嘅脆皮豬手，名副其實啲皮真係好脆肉又夠多，我哋另外仲叫左個小食拼盤，開頭都以為佢冇乜特別，但係佢拼盤好豐富，有春卷，串燒，香蘭葉包雞等等⋯，試完佢之後先發現原來呢度嘅串燒好好食😍。