南豐餐廳

Open Now

Now Closed

講到香港特色，梗係香港嘅茶餐廳。今日就嚟到九龍灣麗晶嘅一間茶餐廳，佢哋開業已經好多年，一直都屹立不倒，好多街坊捧場。今日去到嘅時間係兩點左右，已經有下午茶套餐可以選擇。我同朋友一共就叫咗兩個餐，另外加咗份多士，已經飽到捧住個肚。燒味撈粗麵（燒肉+沙薑雞） $55燒味飯就好多茶餐廳都有，但係撈粗麵就真係唔多地方見到。今次就叫咗佢嘅砂礓雞同脆皮燒肉，沙薑雞沙薑味好濃郁，而且份量都唔少。脆皮燒肉個皮好脆，而且仲要完全冇骨，非常讚啊☺️。沙嗲炒豬頸肉出前一丁 $50有時梗係要食吓啲邪惡嘅嘢，今日就選擇咗豬頸肉出前一丁，好有鑊氣，而且份量都好多，完全唔怕下午茶食唔飽。麵條炒得好乾身，但係又唔會變咗橡筋，睇得出師傅好有經驗💙。芝士西多士 $32唔係周圍都有得食西多士，佢哋仲要有好多唔同味道選擇，今日就揀咗我最鍾意嘅芝士，配埋糖漿同牛油油，簡直完美🙂‍↕️🙏🏻。