一君士多 (Closed)

尖沙咀係一個美食集中地，真係唔駛次次都要食貴嘢都可以享受到一餐豐富美食，今次去左呢度開飯都可以一樣滿足雖然舖面細細但餐牌上都有多款美食提供，有熱賣特色飯同招牌麵外，仲有車仔麵同日式咖哩飯，以及風味小食同甜品供應夠晒多元化，我地點了招牌麵同日式咖哩飯外，再點埋風味小食一同品嚐，先來有牛孖寶(牛肚及牛𦟌），牛肚入口爽滑味濃厚，再食片滷水牛𦟌夠晒香嫩到另一款係麻辣木耳，食到爽口木耳就唔駛點講，木耳沾滿濃郁麻辣汁但食落又估唔到咁惹味，味道剛好大部分人都可以品嚐得到再點D車仔餸食下夠晒豐富再來有牛腩咖哩飯同霸王麵，當然兩款口味各有不同，先食啖香濃咖哩汁飯，再食件牛腩肉入口香滑又軟綿而另一款霸王麵聽個名就知用料十足揀咗油麵底，材料有鮑魚食落肉質軟滑、廣島蠔肥美多汁、花膠香嫩滑溜、帶子彈牙鮮甜）食落夠晒鮮味之餘，再飲啖特濃豬骨湯底更加滋味最後留肚食埋必食甜品香蕉成熟船兩球軟雪糕配上香脆格仔餅同香蕉，食得滿足嘅一餐美食。