新肥泉海鮮大排檔

Open Now

Now Closed

有時對香港啲懶高級餐廳都真係有啲疲累，反而會想食返啲地道啲嘅大排檔，今日趁住有朋友搭高鐵落嚟，就特登預早book咗官涌市政大廈熟食中心呢邊嘅新肥泉海鮮大排檔。以前喺呢頭返工嘅時候都已經成日嚟食晏晝，有時野收工都會同同事一齊嚟，不過始終太耐都冇嚟過啦，今次有機會，梗係要返嚟幫襯吓啦，橫掂朋友喺高鐵嗰邊行過嚟都唔算遠。呢度人氣真係勁高，上到嚟之後完全坐滿人。嚟得大排檔就梗係要叫啲有鑊氣嘅嘢啦，餐牌好多選擇，我哋就決定一日揀一樣，我首先要咗蝦醬通菜炒鮮魷，蝦醬勁香，真係一上枱就已經流晒口水，先有嘅份量亦都好多，通菜炒埋真係一碟勁惹味嘅小菜。朋友就話想試吓黑椒薯仔牛柳粒，佢話呢樣係佢印象中香港嘅地道美食，薯仔外脆內軟，牛柳粒完全唔鞋，黑椒味夠濃，醬汁甜甜地，朋友一路食一路點頭話好味。由於今日天氣突然間轉涼，我哋都決定叫返個湯暖吓身，最尾就決定咗要蕃茄新鮮魚薯仔湯，魚湯好鮮甜，加埋啲薯仔，令到我哋都好飽肚，呢一餐唔使嗌粉麵飯亦都已經好飽好滿足！