早安越南 (Closed)

呢排好想食越南菜，特別係pho，所以今日特登帶埋屋企人嚟呢間朋友極力推介嘅越南餐廳。我叫咗我最鍾意食嘅pho,我阿爸就想食香茅牛肉凍檬，另外我哋再叫咗沙嗲串燒。飲品方面，佢叫咗薄荷青檸冰，我就飲熱龍眼水（估唔到要養生嘅係我！哈哈）我個生牛肉河湯底十分之清甜，唔會話好鹹但又好鮮味。啲牛肉夠滑，啲河粉都好滑，朋友果然冇介紹錯。我爸爸話個撈檬都好好味，啲香茅牛肉做得好，香茅味好夠。我好鍾意佢嘅沙嗲汁，同埋串牛同串豬一齊食，會令人食唔停口！最後我爸爸話青檸冰好refreshing, 我杯龍眼水就夠甜夠滋潤。下次會再嚟食過！