Video
Read full review
2019-07-17
36 views
香港人一年四季都喜歡「打邊爐」吃火鍋，筆者當然也不例外，不過成日食粵式火鍋，感覺有點悶，今晚就一於轉轉新意思，一家人去食台式火鍋。這間叫「老鍋」嘅台式火鍋店，由 30 年經驗的台灣廚師主理，聽說連發哥發嫂都幫襯過！餐廳位於軒尼詩道 525 號澳門逸園中心 3 樓，佈置以中國風為主調，裝潢精緻、古色古香，令人有置身台灣火鍋店的錯覺。入座後先點湯底，店裡的湯鍋，共有 6 款可供選擇，除了 4 款慣常供應嘅鍋底，包括麻辣鍋、酸菜白肉鍋、美人鍋及養生鍋外，還有 2 款期間限定嘅瑤柱海皇冬瓜鍋同原個椰青三黃雞鍋。至於火鍋料方面，項目亦不少，有精選肉類、時令海鮮、手工丸類、餃類、豆品類、新鮮蔬菜、麵食類和一系列巧手小食等。另外茶芥及醬料就以人頭計，每位 $20。湯底揀左瑤柱海皇冬瓜鍋 ($198)，而配料方面就點左雪花肥牛、脆骨腩、手工丸拼盤、極品水餃、響鈴卷、炸魚皮、蔬菜和麵食，另外再加兩款小食同杭菊露。冬瓜鍋用料非常豐富，除了面頭的蟹柳、帶子、鮮蝦和甘香嘅雲腿外，鍋底內還藏有不少嫩滑雞肉和瑤柱等。 湯頭十分清甜，油份不多 ，醇清中帶鹹香。小食揀左鹽酥雞 ($68) 同甜不辣 ($38)，鹽酥雞
香港人一年四季都喜歡「打邊爐」吃火鍋，筆者當然也不例外，不過成日食粵式火鍋，感覺有點悶，今晚就一於轉轉新意思，一家人去食台式火鍋。這間叫「老鍋」嘅台式火鍋店，由 30 年經驗的台灣廚師主理，聽說連發哥發嫂都幫襯過！
餐廳位於軒尼詩道 525 號澳門逸園中心 3 樓，佈置以中國風為主調，裝潢精緻、古色古香，令人有置身台灣火鍋店的錯覺。
入座後先點湯底，店裡的湯鍋，共有 6 款可供選擇，除了 4 款慣常供應嘅鍋底，包括麻辣鍋、酸菜白肉鍋、美人鍋及養生鍋外，還有 2 款期間限定嘅瑤柱海皇冬瓜鍋同原個椰青三黃雞鍋。至於火鍋料方面，項目亦不少，有精選肉類、時令海鮮、手工丸類、餃類、豆品類、新鮮蔬菜、麵食類和一系列巧手小食等。另外茶芥及醬料就以人頭計，每位 $20。
湯底揀左瑤柱海皇冬瓜鍋 ($198)，而配料方面就點左雪花肥牛、脆骨腩、手工丸拼盤、極品水餃、響鈴卷、炸魚皮、蔬菜和麵食，另外再加兩款小食同杭菊露。冬瓜鍋用料非常豐富，除了面頭的蟹柳、帶子、鮮蝦和甘香嘅雲腿外，鍋底內還藏有不少嫩滑雞肉和瑤柱等。 湯頭十分清甜，油份不多 ，醇清中帶鹹香。
小食揀左鹽酥雞 ($68) 同甜不辣 ($38)，鹽酥雞咬落完全唔覺油膩，肉質嫩滑而且香脆可口。甜不辣以新鮮鯛魚打出綿密魚漿炮製，食落外酥內嫩，口感極佳！建議食之前蘸少許酸甜醬汁，有畫龍點睛嘅效果。
特級美國安格斯雪花肥牛 ($188)，牛肉絕對是打邊爐不可少，呢碟肥牛嘅油花分布既細密又平均，肉色潤澤，賣相很不錯，放入滾湯中灼至半生熟便可以撈起，入口幼嫩滑溜，脂香撲鼻，牛迷必試。
新鮮脆骨腩 ($88)，啲鯇魚腩真係好脆，肉質好彈牙，唔腥又新鮮！
綜合手工丸拼盤 ($108) 拼盤有墨魚丸、蝦丸、流心咸蛋黃豬肉丸、梅菜豬肉丸同芝士牛肉丸。流心豬肉丸做得很有水準，食落夠鬆軟又有肉汁，加上咸蛋黃的油香滲曬落肉丸入面，一啖咬落去，濃厚嘅流心蛋黃湧出，口感非常過癮！另外芝士牛肉丸亦很值得推介，丸心釀滿幼滑 Creamy 的芝士，食落去的啲芝士會爆出來，芝味同牛香味融為一體，真係令人回味無窮。
自家鮮做極品水餃 ($48/半份) 亦做得相當不錯，水餃以豬肉餡為主，份量落得很重手，皮薄餡鮮，令人食指大動。
三秒響鈴卷 ($68)，響鈴卷以特選的優質腐皮製作，即叫即炸，放進湯內泡 3 秒就要拿起，入口外軟內脆，加上沾滿了美味的湯底，滋味誘人，推薦！
咸蛋黃炸魚皮 ($68) 魚皮同樣是新鮮即炸，鹹蛋黃均勻地沾滿每一片魚皮，食落又薄又香脆，而且調味亦剛好，不會死鹹。
打邊爐又點可以無菜，揀左蘭花苗 ($42) 同菠菜苗 ($42)，蘭花苗甜嫩又有菜味，而菠菜苗亦很新鮮爽脆，放在湯鍋中吸收味道一流！
麵食揀左新竹米粉 ($38) 同稻庭烏龍麵 ($48)，新竹米粉比平時食慣的大陸米粉幼滑得多，入口好鬆，又有嚼勁。稻庭烏龍麵麵身夠幼，入口滑溜柔軟。
最後當然不少得點些飲品，呢款杞子杭菊露 ($28/杯) 據說是每天新鮮煲製，可以明目養肝，打邊爐用來降火剛剛好。
臨走時發現餐廳原來做緊優惠，凡於星期日至四晚上九點半後入座，超過40款精選食材，包括是日海鮮、肉類、飲品均一律半價，睇嚟可以搵晚再嚟食宵夜。
Post
