薄荷葉泰國菜

Open Now

Now Closed

今日係元朗圖書館做野，同同事做到七點幾八點，個肚餓到食隻牛都食得落，一收工出門口，見到有間泰國餐廳好似不錯，上開飯睇睇，好多都話正，就一於試下先 。入到去一坐底，感覺環境都相當唔錯 ，可能本人都好鍾情泰國呢個地方，呢到比我感覺都好泰國feel 。老闆都好熱情過黎，介紹有咩好野食，可能太肚餓喇，我地都想快快有得食，就聽聽佢意見。點左個青咖哩配豬肉加薄餅，真係正！好香椰汁味 ，食落不太辣，個薄餅仲好鬆脆，配埋個青咖哩汁，一流！之後黎左個玫瑰露燒雞，食之前佢會將成隻燒好的雞放係面前，將d玫瑰露酒倒落去之後點火，將d酒迫落隻雞到，香到不得了！食落仲有肉汁呀！ 大蝦粉絲沙律，蝦爽口，粉絲辣辣地，好過癮！之後我最愛喇-明爐酸辣魚。先唔講條魚，剩係個汁都可以食兩碗飯個湯汁酸酸辣辣好開胃，條魚都新鮮，一路用明火煮都唔會霉，好食👍🏻👍🏻Ps：最衰渣左車過黎，如果都會飲番杯，呢到生啤都有好多款，下次黎一於唔渣車，啤啤佢！