Video
Read full review
2018-05-13
1113 views
今晚終於等到去睇大V嘅show，實在等得太耐，心情興奮到極點！睇show前當然要醫肚，由於今日係星期六，有大把時間可以去遠d搵食，慢慢食飽先再去紅磡，我哋去咗油麻地咸美頓街，一間外表唔起眼，但味道唔錯嘅餃子店開餐。今次已經係我第二次嚟食，就知呢間嘢食得過啦！呢間舖頭勁細，數埋唔夠10個位，我哋兩次都係坐係呢個位。呢個位就好似d高級日本料理咁，廚師就喺我哋面前包餃子，煮好就遞比你。哈哈！食物種類都係d北方涼拌小食同餃子麵食，味道唔錯，價錢又夠街坊。鮮肉韮菜餃水煮餃子，即煮即食，皮厚薄適中，韮菜同肉嘅比例啱啱好。拌青瓜青瓜夠脆口，醋味唔會嗆喉，係我鍾意嘅味道。牛肉餡餅即叫即煎，雖然要等一陣但都值得，對上果次就賣晒冇得食。外面煎得香之餘，封住晒入面嘅肉汁。醬骨架味道稍為淡咗少少，不過炆得好淋好入味。凍豆漿呢個應該係叫貨返嚟嘅，唔太甜又有豆味，ok!
睇show前當然要醫肚，由於今日係星期六，有大把時間可以去遠d搵食，慢慢食飽先再去紅磡，我哋去咗油麻地咸美頓街，一間外表唔起眼，但味道唔錯嘅餃子店開餐。
今次已經係我第二次嚟食，就知呢間嘢食得過啦！
呢間舖頭勁細，數埋唔夠10個位，我哋兩次都係坐係呢個位。呢個位就好似d高級日本料理咁，廚師就喺我哋面前包餃子，煮好就遞比你。哈哈！
食物種類都係d北方涼拌小食同餃子麵食，味道唔錯，價錢又夠街坊。
鮮肉韮菜餃
水煮餃子，即煮即食，皮厚薄適中，韮菜同肉嘅比例啱啱好。
拌青瓜
青瓜夠脆口，醋味唔會嗆喉，係我鍾意嘅味道。
牛肉餡餅
即叫即煎，雖然要等一陣但都值得，對上果次就賣晒冇得食。外面煎得香之餘，封住晒入面嘅肉汁。
醬骨架
味道稍為淡咗少少，不過炆得好淋好入味。
凍豆漿
呢個應該係叫貨返嚟嘅，唔太甜又有豆味，ok!
Post
