亨通餃子店 (Closed)

一條友睇完醫生，想食餃子🥟搵下搵下由油麻地行左入黎小街入到店內 以為會有冷氣，點知老闆娘話冷氣壞左好好人問我內食定外賣，我話可內食點知企左一分鐘，大汗淋漓了投降說轉外賣吧！老闆娘見我超大汗，叮嚀我站某一個位，會有冷氣吹到出黎，係喔、立食都得呀！等左十分鐘，有得食啦！8只$40，唔算好平，但好紮實大粒可惜西洋菜唔當造，食落有點苦勝在即叫即煮！佢地一日整幾多賣幾多行慢一步都會無架！

總結：轉手後非常難食，唔會再幫襯平時我覆完診通常都會去食餃子，一般都係雲姐主理，有時仲見佢親自幹麵皮。今日一入到鋪頭，竟然冇冷氣，又見到一對母女在廚房，覺得非常奇怪，因為唔見咗雲姐，但係極肚餓所以叫咗一碟平時都會叫嘅茴香餃子，酷熱天氣警告下冇冷氣食熱嘢真係有啲頂唔順。食物：同以前嘅茴香餃差好遠，啲餡少咗起碼三成，冇汁之餘，啲餡冇味，仲要餡同皮中間有好多空隙，啲皮勁厚，好細隻，自己包仲好食過佢。我冇深入研究到底係唔係賣咗盤，但如果keep唔到以前嘅質素就唔應該叫同一個店舖名！以後麵唔會再幫襯。

餃子大大隻，韭菜餃嘅韭菜味夠好，叫一份已經夠飽，抵食。另外仲叫左涼伴土豆絲，同埋涼伴耳耳，酸酸地好開胃，如果食餃子食到有啲滯，配埋呢兩個涼菜就剛剛好。不過間鋪超細，甚至可能要坐路邊，所以我只係叫左外賣

最近間中經過e間餃子店，就入去試下第一之食外賣自取，味道好好，牛肉餃即叫即包即煮/煎，1口咬落去係會爆汁同油。今日回憶番上次煎餃咁良好，就再去食今次試坐係到食，先講環境，位於橫街旁邊係兩棟舊樓中間，有飛飛唔出奇，坐係到食45分鐘一共拍死左7隻，趕走左4隻，當中有唔少飛蟻 食物方面，繼續足料好味，叫左羊肉煎餃同牛肉餅，好脆多汁又夠味 係有d 小昆蟲陪我食同等我拍死佢。。。最後講埋衞生，包餃期間同一手收錢後唔冼手繼續包，E樣有點呵太接受到，餐具就更加唔想用，見到咁多飛飛…總結來講，如果唔介意有昆蟲飛來飛去，衹昰講食物是好食的，但堂食就要等佢安裝好滅蟲器先

成日都會經過呢間餃子店， 每次都冇入去 ，因為環境有點兒破舊。 今日又行過，終於入咗去食 。講真一分錢一分貨，呢個價錢唔應該有太大期望。叫咗韭菜豬肉餃，38元有８隻。非常家的感覺，餡新鮮多肉，皮係北方厚身個款，都好滑 。食完之後都冇乜口渴，所以都係好ok嘅。糧尾之選

今日同女朋友去到油麻地想食餃子。見到呢間小店諗住幫襯支持下。叫左韭菜煎餃、炸醬麵、蔥油餅、涼拌土豆絲同一杯豆漿。味道都ok，但衛生一般般，係餐廳入面有飛蟲一直黐落d 食物到。去到埋單既時候，老闆娘就話加埋$129。但我地自己計過又唔係呢個價（計到$122）。我哋叫佢計清楚，佢就話個炸醬麵賣$38。但明明餐廳既banner 寫住係$35 （無 起字架！！） 餃子 就$35 起。 我地同老闆娘話個價錢唔一樣，但佢好堅持佢頭先俾我哋食果碗炸醬麵唔係Banner個碗炸醬麵。What？？ 其實我地一路都係指住個banner 黎order！！！我叫A你俾A，埋單俾我問點解多左錢，你就話我剛剛食個碗 A 同Menu 上嘅A 有少少唔同 收貴你！完全任佢講 ！我地跟住Banner同餐牌計既價錢如下：煎餃：38+3 （8隻 3 蚊係煎嘅附加錢）炸醬麵：35蔥油餅：12土豆絲：28豆漿：6總共：122就算加埋老闆娘講果差價$3 都計唔到$129喎。我地都唔係差果幾蚊，但埋單坐地起價、亂收人錢，俾人問又死唔認錯，諸多推搪，態度之差實在令人氣憤。奉勸大家如果真係要去呢度食嘢時要睇清楚價錢，自己加下。

今晚終於等到去睇大V嘅show，實在等得太耐，心情興奮到極點！睇show前當然要醫肚，由於今日係星期六，有大把時間可以去遠d搵食，慢慢食飽先再去紅磡，我哋去咗油麻地咸美頓街，一間外表唔起眼，但味道唔錯嘅餃子店開餐。今次已經係我第二次嚟食，就知呢間嘢食得過啦！呢間舖頭勁細，數埋唔夠10個位，我哋兩次都係坐係呢個位。呢個位就好似d高級日本料理咁，廚師就喺我哋面前包餃子，煮好就遞比你。哈哈！食物種類都係d北方涼拌小食同餃子麵食，味道唔錯，價錢又夠街坊。鮮肉韮菜餃水煮餃子，即煮即食，皮厚薄適中，韮菜同肉嘅比例啱啱好。拌青瓜青瓜夠脆口，醋味唔會嗆喉，係我鍾意嘅味道。牛肉餡餅即叫即煎，雖然要等一陣但都值得，對上果次就賣晒冇得食。外面煎得香之餘，封住晒入面嘅肉汁。醬骨架味道稍為淡咗少少，不過炆得好淋好入味。凍豆漿呢個應該係叫貨返嚟嘅，唔太甜又有豆味，ok!

除左店內的人係哈爾濱東北人之外，並沒有其他東北風味可言，當然指的係食物。牛肉湯麵的湯底清如水，好比大學canteen早餐的上湯麵食，而且配料甚為單調，只有時菜（小唐菜及五片一夾就散開的牛展）拌麵亦無東北特色，只有醬醋和一般麻醬，配以紅蘿蔔絲同青瓜絲。就只有餃子和牛肉餅較好，無奈餡少、數量又唔多，性價比很低。

今晚跟BB豬來個突擊約會，他知道我最喜歡吃餃子，於是找到了這家街坊小店。小店門面不大也沒有特別裝修，我們對環境也沒有特別期待。BB豬常埋怨我只喜歡食環境同食氣氛，太港女，其實地道街頭小吃正正是在大街小巷裏面才有。早有食評說過這家餃子皮厚。要知道北方餃子跟日本中華餃子風格大不同，北方餃子向來是厚皮的。不過我想說說餡料調味偏淡，沒有北方餃子獨有那種香、辣、濃口勁。又說說羊肉餡餅，沒有羊肉羶味，加了大蔥，卻吃不出大蔥的香味。反而是水晶切肉薰蹄有驚喜！比得上餐廳出品。那切肉要伴蒜和青瓜絲才吃得出特色來，再伴點辣油很惹味。最後的肉排都是大姐推薦的，排骨煮得很入味，值得一試，麵沒有什麼特色，供飽肚。下次會試試茴香肉餃。看會不會更有北方特色。

又係同老公搵食嘅時候，本來行緊去我哋食開嘅飯堂，點知經過呢個餃子店門口，我同老公係餃子精，所以好想試吓就即刻轉軚入去呢間好細嘅鋪頭坐低，老實講衛生情況麻麻，啲櫈好似有啲污糟咁，不過見係餃子就試吓啦😅我地叫左我最like嘅黑木耳，仲有西洋菜同白菜餃黑木耳好味，不過我嫌佢唔夠辣D餃呢，個皮都唔係好厚，我覺得適中，入面D料，好新鮮，老公話雖然咸左小小，但都幾好味，我地倆個異口同聲都覺得西洋菜好食過白菜不過扣分嘅係食完成身味囉

《不負責任食評—亨通餃子店》環境黎講 真係完全欠奉又細又焗又熱又大油煙味不過餃子就幾好食🤰🏼————————<煎茴香豬肉餃拼牛肉餃> $45好少食有茴香既野不過我個人唔算抗拒就即管試試食落有種清新感 係會令個餃無咁膩既個種香味 好似有啲東南亞又好似有啲歐式咁不過我幾中意💛💛💛💛牛肉餃就加洋蔥同紅蘿蔔做料同茴香就係另一種感覺好霸道既香味 我都中意既不過調味重手左啲 有啲咸💛💛💛❣️—————————整體黎講餡料味道都幾討好不過個人覺得可以少油啲 煎脆啲（btw皮係東北個款皮 唔係好似香港雲吞好薄個款）咁就perfect池🤰🏼不過鑑於環境真係太麻麻唯有等天氣再更涼先去食🐒

餃子精既我誓要食晒全香港出名好食唔好食既餃子😆今次食到呢間亨通餃子～其實之前都黎過幾次不過都撞正放假😪睇黎個天都唔想叫我食😂 叫左個🔥鮮肉西洋菜餃 hkd38💰有8隻。 啲皮係超級厚😂😂我自己麻麻地，但好在入面啲餡都好好食好新鮮，西洋菜脆卜卜，加埋豬肉有別於其他平時食開既口感，食落再豐富啲～店員係說普通話架～有陣家鄉味。其實味道唔差架，但啲態度就真係👎🏿👎🏿叫左碟餃子，佢冇啦啦話聽到我地叫多個餅😂係咁屈我地..我地明明都冇，之後另一個店員都幫我地話聽唔到我地有嗌...之後仲係咁係到自言自語🙄我真係無語...真係好食下次都唔會再幫襯啦😪

餃子控又出動！收工黎食，見到食客多數係街坊，老闆娘同熟客有傾有講，幾有人情味。店內只有八個座位，有一角係擀餃子皮既工作檯，有部份易出水既餃子姐姐會即叫即整兩個人嗌左茴香豬肉餃 ($42)、牛肉餡餅 ($18)、炸醬麵 ($35)。餡餅切完餅皮仍然係痴住既，餡有d散，食得好狼狽。肉汁係有既，不過唔算好多，值得一讚既係入面既洋蔥同香料整得好食。茴香豬肉餃 - 北方餃子預左皮會有d厚。茴香好正好香，八隻輕鬆清晒 注意，依度應該不設雙拼餃子。炸醬麵 - 全餐最好食既！一定要試！！秘製炸醬、蘿蔔絲、青瓜絲、蒜蓉、芫茜、醬汁，撈勻食，而家諗起都食指大動流晒口水兩個人埋單$100都唔使，好抵！不過值得一提既係舖入面抽風欠佳，我比油煙薰到對眼好辛苦，係咁標眼水，食完出黎頭髮都有陣油煙味 建議大家坐出面或者外賣，還掂入面冷氣唔大，夜晚食既坐出面其實冇咩分別。

因為工作關係去油麻地,一做完嘢當然要食番個tea.最鍾意食上海小店既嘅包點見到有間無乜裝修既舊上海舖,二話不說即刻衝入去.當日漚緊雨,街外己經非常翳焗,店舖無開冷氣,廚師係open kitchen煎緊包點,因為通風不佳,油煙味極重.店舖用透明膠簾當門,連翳焗既新鮮空氣都走唔到入來.未食已經滿頭大汗,依間上海舖好細間,裝修簡陋,只有三張摺枱,幾張摺枱.既來之,則安之,如果食物好味,其他一切都無所謂.明明客人只有2個,但食物都係上得好慢,加上係咁既環境下等,真係度日如年.首先上枱既係牛肉餃麵.為咗品嚐食物我暫時忘記又熱又焗又油煙既環境,將所有感覺集中喺味覺上面.食一啖麵 - 鹹,飲一啖湯 - 鹹,咬一啖餃子 - 非常鹹,而且係工業程度嘅鹹,我實在食唔出其他味道.湯底可能純粹係鹽加水制成.問伙計攞杯水沖下喉嚨,佢話冇水供應,要買佢地嘅飲品.我叫個腎忍一忍,出到去畀雞骨草你飲.啱啱食完碗麵,羊肉大蔥餅就殺到.我懷著戰戰兢兢既心情品嚐,外皮煎得香而且仲有少少脆.羊肉餡料有大量既葱,好爽口.雖然未至於乾爭爭,但係羊肉一啲肉汁都冇.最鍾意食羊肉嘅騷味,但係呢個大蔥餅唔單止冇騷味,連羊肉味都欠奉.非常

找到了儿时东北菜馆的味道！来香港三年都没找到茴香馅饺子，在这终于吃到了！太好吃了！下次还要尝试其他馅！酱骨也是正宗的味道！赞！同事也都赞不绝口！堂食了茴香煎饺，外带了酱骨，赞不绝口！太感人了！