最掂燒味 (Closed)

貓貓身為個道地香港貓，食燒味就理所當然。叉燒腩拼燒腩仔飯，好大份量呀！貓貓食左一啖叉燒即刻濕左個嘴。叉燒腩好多水份，香滑，咬落去味道beep曬出黎，幸福！終於感受到男人的浪漫。叉燒夠味，唔會好甜，原來男人既浪漫就係品嘗道地美食的細節，bravo喵！燒腩仔既皮燒得好脆，脂肪乾身，唔似其他舖燒腩仔整得痴笠笠。呢度原來賣鹵水豬耳，真係好耐冇食過呢啲男人味野食。豬耳有豆腐配搭，豆腐入曬鹵水味，豬耳好彈牙，呢餐幸福指數高，香港食物真係冇得輸！