薈麵館

Open Now

Now Closed

今晚有朋友由沙巴到港觀光，找到灣仔合和呢間薈麵館，帶朋友品嚐香港地道點心燒味及小炒，位於7樓，先來一個雞腳花生湯，夠足料，雞腳好稔，好鮮甜既湯水。而自選套餐 B $388（夠4-6位用）包自選項目有五樣，先選炒粉麵飯兩款，點了銀芽肉絲炒麵和豉椒牛肉炒河，驚喜原來肉絲炒麵個麵炸至金黃色，夠晒香脆，配上肉絲獻汁，唔會太濕太油，剛好，還有好多銀芽，同粉麵一齊食，口感爽脆。再來豉椒牛河，份量好大份，配埋三色椒。另外還包了自選點心三款，有蟹籽燒賣皇，用左原隻鮮蝦，爽口彈牙；另叫北菇牛肉球，香菇味濃；還有脆皮蝦春卷有成4條一碟、安蝦咸水角同鮮蝦腐皮卷，喜愛食蝦所以各種點心都甚得歡心。而自選油菜選了芥蘭 - 夠翠綠、清甜、脆口。而自選小食叫了百里香一字雞翼，炸至脆口，鋪滿芝麻夠香，唔會太油膩，一字翼方便易食。另再散點了秘制汁叉燒王薑葱撈麵，上台時配上清湯，因其中有朋友唔食薑蔥，所以叫了另上，主角叉燒面鋪滿蜜汁，色澤吸引，半肥瘦肉質夠滑, 夠多汁。冷盤有泡椒冰浸豬手，豬皮夠爽脆惹味，微辣。自選仲未選完，仲可選飲品或甜品，我就叫晒甜品，有紅豆沙，口感有起沙唔會太甜，還有清潤雪耳燉木瓜夠滋潤和養顏芝麻糊。