Cafe Fabulous

Open Now

Now Closed

黎到旺角，cafe就梗係多喇，今次黎呢間叫fabulous既cafe，離旺角地鐵路好近，行一陣就到，十分方便，座位又夠大，岩曬一班朋友黎傾計飲野。環境方面，呢間舖d應位就特別闊，佢有大量7人sofa座位，真係岩曬一大班朋友黎，少d人都坐唔曬佢一張枱呀～～呢度環境算係清靜，周圍格離左右都無乜噪音，細細聲講野，都聽到。而且座位相隔都幾遠下，唔驚會嘈到隔離枱。食物方面，除左d小食外，呢度都幾多飽肚既野食，好似咖哩吉列豬扒飯咁，食落咖哩都幾唔錯，另外仲有個卡邦尼亞意粉，夠曬creamy好味。飲品方面，佢有齊一至十二月份生日既人，每個月份都有唔同既飲品，好得意，好似一月咁，就係朱古力沙冰，飲落都幾濃郁，每杯野飲都有個雪糕係上面，配埋沙冰食就一流。