翠林冰廳 (Closed)

今日行返屋企途中諗住搵啲嘢食，見到呢間嘢竟然有柳州螺絲粉，仲要寫住正宗兩個字，雖然一間冰廳賣呢啲嘢有啲奇怪，但係我見佢另外仲有水煮牛又有酸菜魚咁，身為川菜控嘅我，完全抵受唔住佢嘅誘惑，一於走入去試下佢嘅正宗柳州螺絲粉!佢每一碗粉都可以揀配手切安格斯牛或魚片，我就揀左安格斯牛，雖然佢牛嘅份量唔多，但係肉味真係好濃，跟住佢每碗都會有幾款配料跟埋，酸筍、酸豆角、菜甫咁，而最特別嘅係佢個炸腐竹！超好味！非常鬆化又一啲都唔油，如果去試的話記得記得千祈唔好俾佢浸到湯，如果唔係就嘥哂啦！總括而言，雖然係有啲貴，但係係值得嘅，不過份量可以再多少少就perfect。