翠林冰廳 (Closed)

🥪 黑松露滑蛋厚切餐肉三文治 $32其實小編只係偶爾行過冰室，因為比呢度既三文治吸引，所以就入左去試一試😎最後完全冇失望👍🏼用紙包住好方面拎起黎食🤪滑蛋有黑松露味，配埋午餐肉既配搭冇得輸🥰打卡亦都係一滑🤪不過圖片冇芫茜既，唔知點解當日食會有芫茜🤣好彩小編係食既～不過黑松露既味就有少少比芫茜喧賓奪主咗🥴🔎 評分：可以一試👍🏼🥛 熱杏霜 跟餐+$6壞人先飲既熱杏霜🥰小編其實都幾中意飲🤣呢間就奶味偏重👍🏼🔎 評分：可以一試👍🏼

超真心難食，從未食過又硬又無烘烤的白麵包還稱之為多士，即時向店員直接反映，店員告知已是多士，如再烘怕太燶。。。。本人對一般茶室並無特別要求，但現在是一點烘烤都沒有，怎麼會再烘便太燶？？？這說法太勉強吧。。。且服務質素低劣，收到反映後並沒有理會客人，扮無事，而且並不是便宜的冰室價錢。相信連不懂煮食的人應該都唔會煮到呢個效果。如做茶室連一塊多士都不會煮的麻煩真係唔好做飲食業了，真心從未食過咁難食的多士

叫Foodpanda水煮牛烏冬，成個麵得一塊牛肉，有無搞錯張圖影得唔清，因為D料都係低，食個陣都唔知成碗野得一塊牛肉魚片係另外加13.5加既，好彩都有幾塊，但都幾細塊

成碗嘢得四片魚片,龍躉片呀？唔知以為你呢啲係咩貴價魚呀,四片都比得出所以畀咁少,味道又唔好食,永不錄用啦,60蚊外賣咩都冇,得嗰幾條酸菜同牙菜,呢間餐廳好窮嘅？

今日同男朋友一齊去咗呢一間翠林冰廳度食嘢，簡簡單單咁叫咗一個口水雞！估唔到呢度嘅口水雞真係咁好食！呢度嘅雞肉真係非常之滑，而且香辣嘅醬汁真係好食到停唔到口！另外仲叫咗一個焗豬扒飯， $48來講呢度嘅豬扒飯真係好抵食，而且呢度嘅蕃茄汁甜甜酸酸咁非常之開胃！

今日行返屋企途中諗住搵啲嘢食，見到呢間嘢竟然有柳州螺絲粉，仲要寫住正宗兩個字，雖然一間冰廳賣呢啲嘢有啲奇怪，但係我見佢另外仲有水煮牛又有酸菜魚咁，身為川菜控嘅我，完全抵受唔住佢嘅誘惑，一於走入去試下佢嘅正宗柳州螺絲粉!佢每一碗粉都可以揀配手切安格斯牛或魚片，我就揀左安格斯牛，雖然佢牛嘅份量唔多，但係肉味真係好濃，跟住佢每碗都會有幾款配料跟埋，酸筍、酸豆角、菜甫咁，而最特別嘅係佢個炸腐竹！超好味！非常鬆化又一啲都唔油，如果去試的話記得記得千祈唔好俾佢浸到湯，如果唔係就嘥哂啦！總括而言，雖然係有啲貴，但係係值得嘅，不過份量可以再多少少就perfect。

我最喜歡那間-尚湯，好似幾次都沒開，因此一時情急，就在附近隨便找間餐廳內進坐下。以辣東西、水煮、酸菜魚等菜式為主，還有其他茶餐，但不太便宜，此酸菜湯底不算非常香濃，應該都是有點酸菜的味道除了酸菜，其他配料好像萵筍、芽菜等等，因此不算非常豐富，而且米線太過滑身，第一隻難夾，第二樣很難掛湯，味道相當之普通。牛肉的確有三四片，不過體積又細，而且放在湯內太久可能會比較鞋身，味道不算太過傑出。行到來河畔這邊吃個米線都近$60，還只有幾片牛肉，似乎吃譚仔划算很多。😒凍檸茶反而較佳，像茶餐廳質素，茶夠香檸夠新鮮，撞出來的凍檸茶味道不錯。

見河畔新開左間茶記就黎試試佢，佢好特別，估佢唔到竟然有口水雞同酸菜魚食！疫情關係慣左外賣，有番堂食都係近近地外賣番屋企試試佢，我地叫左半隻口水雞，細既酸菜魚，同埋好想食炸髀，所以就叫埋！佢仲有個一口西多岩哂我呢d懶人，簡簡單單又解決一餐！佢個口水雞勁惹味，麻同辣味都適中！食落送飯一流！酸菜魚d魚都有好多，係哂底，一d都唔姑寒，又係送飯一流！估唔到夜晚都有全日茶餐咁抵～又有炸髀同西多，一口西多岩哂懶人！又好食！呢間性價比都幾高，值得番撻！

今次經開沙田河畔附近，見到有間新開冇耐嘅餐廳叫翠林冰廳，見格調幾寫意就走入去食個lunch。首先order咗個金牌常餐，沙嗲安格斯牛肉一丁配北海道3.6牛乳炒蛋、火腿及多士，另外order咗黃金一口多士，睇到個menu原來呢度都有川菜食，就點咗半隻京式口水雞。沙嗲安格斯牛肉一丁個沙嗲味係港式沙爹，係我嘅至愛，牛肉亦都好諗同埋份量都好足，'出前一丁就啱啱好，冇煮到過諗，鍾意食沙爹牛肉嘅朋友一定會鍾意，3.6牛乳炒蛋就特別滑，而火腿及多士都係一貫高水準。黃金一口多士好啱口型細細塊，一啖一塊，個西多士煮得金黃色好香口，點埋佢哋特製有橙味嘅果醬食，絕對食到停唔到口。而我覺得最值得推介係口水雞，老闆應該為香港人調過口味，個口水雞好少辣而且隻雞非常嫩滑，我到而家都仲回味緊，下次去我一定會再食口水雞。

呢日黎到河畔搵野食，路經呢間翠林冰廳，見佢係新開就試試佢～估唔到佢個茶餐係全日供應，都真係幾抵食！我地叫左酸菜魚，炸髀薯條，半隻口水雞同埋水煮牛！ 真係超抵食，埋單都唔駛300～佢個水煮牛同酸菜魚可以配飯/薯粉等等，感覺超抵食！仲要唔駛60～ 勁抵！味道都好唔錯！勁惹味！口水雞勁正！ 叫半隻份量真係好多！仲要岩岩好熟，夠哂嫩滑，超正！個辣哂勁正！撈飯食一流！炸髀薯條都夠哂香口，炸髀醃得岩岩好，薯條又夠脆，正！呢間應該會變成我既飯堂～

因為限聚令六點後不得堂食🥲🥲🥲🥲🥲所以只能外賣叫外賣的人不少原因可能這裡的價錢便宜一口氣買了全家的晚餐😍😍😍😍店員很貼心的把湯汁和麵分開就算回到家麵條也不會乾或糊掉外賣不用加一 外賣盒一個一元我叫了水煮安格斯牛肉配手切安格斯牛片另外一個是招牌酸菜魚配魚片以及正宗柳州螺絲粉兩個配薯粉一個配螺絲米線雖然份量不多但是味道很入味😚😚😚😚😚😚回到家吃和堂食無異牛肉很嫩入口溶化一點都不柴魚片新鮮不腥因為店員煮得快由下單到拿走不到十分鐘適合一些趕時間的人其他食物也十分經濟實惠我下次會想試試炸雞髀🍗翠林冰廳翠林冰廳 (沙田)沙田崗背街9-11號全輝中心A座地下8號舖

最近新開業嘅翠林冰廳 ，位於沙田，主打川菜，認真平靚正，非常推介！京式口水雞 （半隻） $98雞肉鮮美嫩爽，口水雞味道層次豐富，麻辣鮮香嫩爽等味雜於一身，嘗完讓人流口水，忍唔住一口接一口，正呀！水煮安格斯牛肉湯底 配薯粉 （BB辣）$48賣相漂亮，散發出麻辣幽香，與牛味濃郁嘅安格斯牛肉非常匹配，配上萵筍、娃娃菜、酸菜、大豆芽及雲耳，整體美味可口，相當有驚喜！正宗柳洲螺螄粉湯底 配螺螄米線 （BB辣）$48適度嘅酸辣味及煮螺螄嘅湯水調合而成，具有酸、辣、鮮、爽 嘅風味及酸筍嘅特殊氣味！配上手切安格斯牛、酸筍、酸豆角、炸花生、木耳絲、菜甫、炸腐竹，整體味道非常好，推介！招牌酸菜魚湯底 配烏冬（BB辣）$48魚肉嫩滑爽脆，湯底酸辣適中，配上萵筍、酸菜、大豆芽及雲耳，唔錯！另外，仲可以加餸：金牌靚牛丸 $12牛丸好彈牙，而且牛味濃郁，有牛肉嘅鮮甜味，仲非常多汁，正呀！爆汁肉丸 $12口感Q彈，有豬肉鮮味，咬落有爆漿效果，鮮香多汁，必食！竹笙 $12凍香滑奶茶 加$9凍檸蜜 加$12

難得今日唔使返工，就去咗屋企附近食嘢，見呢度開咗間新餐廳，話係食酸菜魚專門店，就決定入去試吓餐廳有幾款四川菜式，例如酸菜魚，水煮魚，水煮牛，另外佢都仲有一啲普通茶餐廳嘅常餐例如西多炸髀見佢招牌話係酸菜魚專家我就叫咗個酸菜魚餐跟個白飯，酸菜魚上枱嘅時候已經聞到一陣香味，見到上面鋪滿左魚片，食落去魚片好鮮嫩，個湯飲落去仲幾好味添朋友就叫咗個水煮安格斯牛配螺絲米線，揀咗小辣，同樣地佢個安格斯牛肉都好出色，感覺好似係手切嘅牛肉，幾重牛肉味同嫩滑，米線入面仲好多配料，有木耳，豆芽，萵筍，好豐富走嘅時候仲見到佢新張期間做緊外賣九折，下次晚餐都可以試吓

翠林冰廳 地址: 沙田崗背街9-11號全輝中心A座地下8號舖電話: 39563576屯馬線開通之後都未有機會試搭，由九龍入去快好快，起碼縮短了10-15分鐘車程又不用塞車。踏完單車己過六點，買外賣做晚餐呢度竟然有四川菜，好似水煮魚水煮牛同酸辣湯粉。唔想湯湯水水太重試了口水雞半份$98 / 一隻$188。雞滑足程，汁香得黎惹味不死辣。做了運動消耗多食米飯補充，$48 一個焗豬扒飯，蕃茄汁唔會一味酸，甜甜的伴著豬扒。個汁夠濃郁同埋有切成大大塊架鮮蕃茄添，豬扒亦都大大件。$50芝士和牛漢堡飯，芝士配上洋蔥汁，佢架飯類做得水準高，難以相信只係五十蚊仲有飲品飯餐仲會跟飲品，性價比十足。我是愛辣之人，下次再入新界踏單車會試埋個水煮牛。

在沙田圍這小區，找到了這家翠林冰廳，位置處於一眾住宅之間，可算是這小區的一個新選擇主打辣品，水煮牛／魚，酸菜魚，口水雞，螺螄粉，另外還有焗豬，炒蛋飯之類都有，既有港式又有川菜～酸菜魚 （大）大辣＄１９８非常大份量的酸菜魚！這大大的一盤都放滿鱸魚片，聽老闆娘說［大］有整整３０片！雖然點了大辣，但也不算很辣，配薯粉吃可以連湯喝，湯底帶點辣勁非常提胃！連同大量的酸菜，豆芽，蒿荀，雲耳，這一鍋有夠惹味，夠２個人吃了！焗豬扒飯＄４８芝士舖滿滿，豬扒夠厚肉，加上濃濃的番茄醬，微微的甜香，真的不輸坊間的各大名店！叉燒炒蛋飯＄４８這個飯的份量不少，咸香的炒蛋跟甜甜的叉燒，半肥瘦的叉燒跟飯還真配～（店家支持環保，讓我用玻璃盒裝他們的飯，值得一讚！）