川花烤魚

Open Now

Now Closed

荃灣西海邊真係一個睇一落好好嘅地方，睇完日落就行返去啲商場附近睇下有咩食。喺荃灣廣場戲院嗰個出口行出嚟成條街都好多餐廳。其中有一間裝修新淨，入面有好多人食緊，幾乎滿座。叫做川花烤魚，所以就入咗去試下。呢間舖頭啲裝修好新，冷氣又大。坐得好舒服。由於朋友仔唔食得辣就叫咗個唔辣嘅酸菜烤海鱸魚。條魚應該係廚房即時烤，魚皮香口少少脆。魚肉食落好新鮮。配菜就有酸菜，豆芽，仲有啲闊嘅透明粉。另外叫咗個椒鹽雞軟骨，即叫即整嘅應該，出到嚟熱辣辣，咬落去出面脆脆地，入面會爆啲汁出嚟。正！🤗#香港美食#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處