千上日本料理 (Closed)

之前有一次發掘咗呢一間日本料理，食過覺得唔錯佢位於粵海酒店入面，地方仲坐得唔錯，幾舒服。而且午市有多款日本料理揀，又唔貴，仲唔使加一添 最平60蚊左右有交易上次試過魚生飯覺得唔錯，今日就嗌咗火炙帶子吞拿魚蓉飯試下。火炙帶子及吞拿魚蓉份量都好多，而且非常新鮮，不過帶子略嫌冇乜味。近睇睇到帶子有幾多，相當抵食另外鹽燒鯖魚定食， 鯖魚都算幾大條肉質唔錯，燒得幾香。午市定食跟麵豉湯、蒸蛋、前菜及甜品，非常之豐富。價錢經濟實惠，坐得好，最適合家庭聚會。