禾牛薈火煱館 (南角道)

Open Now

Now Closed

前幾日因為有朋友仔生日，而佢又係住喺九龍城附近，所以我哋就決定去咗九龍城食飯。我哋有四個人..又想搵一個地方可以舒舒服服傾吓計食得耐少少，最好不過就係去打邊爐啦。而且九龍城呢間禾牛薈仲可以訂房坐..雖然我地唔算多人..但佢都比左間細房我地..房入面仲有電視睇，啱哂我地！其實今次已經係我第二次去度打邊爐，至講服務係唔錯既，侍應生好有禮貌..縱然我哋成日多多要求要拎呢樣拎果樣..佢都冇反白眼..哈哈！野食方面都有質素既..當然就唔會係話好平啦。下面就係個menu喇～當晚我哋係冇食到刺身嘅。點左兩款不同既肥牛第一款係好食既..第二款就有少少銀...不過呢啲都好個人既。另多仲有點呢個象拔蚌同埋花膠..象拔蚌非常爽口，值得推介！其實其他食物都唔錯既..不過普普通通平時打邊爐都有啦，所以我覺得都冇需特別介紹。整體黎講..唔介意價錢貴少少..呢間係唔錯既選擇！