Video
Read full review
2024-11-09
411 views
餐廳位於Sugar+ 26/F，坐擁大坑同埋維園嘅夜景，超級推薦夜晚嚟食，一路食一路欣賞香港嘅夜景✨而家做緊優惠，以promotion price $880享用原價$1380嘅Takiyan Tasting Menu✨自家製醬汁煮南非鮑魚鮑魚浸得又淋又入味，自家製醬汁好有日式風味，白蘿蔔比想像中更加清甜！好出色地kick start呢餐盛宴✨季節刺身3款先食鯛魚、再食青花魚，最後係吞拿魚厚切刺身，非常新鮮，而且充滿魚香，個人覺得青花魚最出色💯✨金鎗魚腩手卷由底數上係米餅、壽司飯、呑拿魚碎、用米粉做嘅鹽以及少量芝麻碎🥹唔用紫菜反而用口感爽脆嘅米餅，呢個配搭好新奇😛✨海鮮茶碗蒸滿滿嘅蟹肉，日本🇯🇵蛋嘅味道真係特別香，份量都幾大同好滑身✨季節吸物濃郁嘅龍蝦湯，實在係龍蝦盛宴✨野生生猛龍蝦🦞坐吧枱位最開心係可以見到師傅成個備餐過程，由拎隻好生猛游緊水嘅龍蝦出嚟劏、沖水、煎，到最後用膏煎至金黃色，再加埋日本紫菜粉👍🏻龍蝦大大隻非常多肉而且肉質彈牙鮮嫩，性價比好高✨香煎鵝肝伴自家製醬汁脂肪感爆棚嘅鵝肝配自家製黑醋醬😋食完仲有兩粒黑豆解膩，toast烤得好香脆！✨美國頂級牛柳肉味香濃，唔需要額外用鹽
而家做緊優惠，以promotion price $880享用原價$1380嘅Takiyan Tasting Menu
✨
自家製醬汁煮南非鮑魚
鮑魚浸得又淋又入味，自家製醬汁好有日式風味，白蘿蔔比想像中更加清甜！好出色地kick start呢餐盛宴
✨
季節刺身3款
先食鯛魚、再食青花魚，最後係吞拿魚
厚切刺身，非常新鮮，而且充滿魚香，個人覺得青花魚最出色💯
✨
金鎗魚腩手卷
由底數上係米餅、壽司飯、呑拿魚碎、用米粉做嘅鹽以及少量芝麻碎🥹唔用紫菜反而用口感爽脆嘅米餅，呢個配搭好新奇😛
✨
海鮮茶碗蒸
滿滿嘅蟹肉，日本🇯🇵蛋嘅味道真係特別香，份量都幾大同好滑身
✨
季節吸物
濃郁嘅龍蝦湯，實在係龍蝦盛宴
✨
野生生猛龍蝦🦞
坐吧枱位最開心係可以見到師傅成個備餐過程，由拎隻好生猛游緊水嘅龍蝦出嚟劏、沖水、煎，到最後用膏煎至金黃色，再加埋日本紫菜粉👍🏻龍蝦大大隻非常多肉而且肉質彈牙鮮嫩，性價比好高
✨
香煎鵝肝伴自家製醬汁
脂肪感爆棚嘅鵝肝配自家製黑醋醬😋食完仲有兩粒黑豆解膩，toast烤得好香脆！
✨
美國頂級牛柳
肉味香濃，唔需要額外用鹽調味已經好足夠，簡單嘅炸蒜片亦都好驚艷！
✨
煙肉香蒜炒飯
🍽️omakase最珍貴之處係簡單嘅食材都可以用出色嘅方法呈現😋炒飯嘅用料好簡單普通，充滿蛋香嘅飯配上眾多配料👍🏻本身好飽都食晒成碗飯
✨
炒什菜
新鮮清甜嘅炒雜菜，想重味啲嘅話可以撈埋師傅自製嘅蒜蓉醬👀我個人覺得加埋醬料味道更加豐富同埋多層次
✨
是日精選甜品🍧
軟滑嘅綠茶布甸，配上紅豆蓉👍🏻個人覺得紅豆蓉絕對係錦上添花
Post
