Café 100 by The Ritz-Carlton

Open Now

Now Closed

之前曾經去過Sky 100睇婚宴嘅場地，當時真係俾佢嗰個高空且落地玻璃嘅景色所震懾到眼球！今次見到佢推出呢一個🇩🇪 Café100德國下午茶套餐，即刻同閨蜜黎一餐少女談心～⋯鹹點⋯✨雞蛋吞拿魚薯仔三文治✨鮮蝦俄羅斯小圓餅✨燻製牛肉乳酪迷你卷✨德國風味香腸鮮嫩嘅蛋黃混入香濃吞拿魚，三文治精緻得來又有薯仔增添軟糯細膩口感；鮮甜嘅大蝦加上濃郁醇厚酪梨醬，搭配酥脆嘅俄羅斯小圓餅，味道層次豐富；燻製嘅牛肉與清脆可口嘅小黃瓜，包裹係鬆軟乳酪迷你卷當中，口感清爽，芝士味道都幾出；正宗德國風味香腸搭配酸甜可口的酸菜撻，減輕咗原有嘅鹹香感～⋯甜點⋯✨黑森林忌廉杯✨英式鬆餅✨開心果紅桑子撻✨德國麵包酸甜嘅櫻桃和睦同奶油質地達到平衡，食完唔會有好甜膩嘅感覺；撻點以開心果奶油為餡，加上新鮮紅桑子點綴，多重口感，而且撻皮好香脆；士多啤梨果醬與奶油配上經典鬆餅，絕對係下午茶必備；德國聖誕麵包🥯真係做到當中嘅精髓，鬆脆得來又帶點牛油香氣，中間亦都夾雜着紅桑子醬添。📣全部下午茶都需要預訂，所以有興趣嘅記住book定定位，而且係由 ritzcarltonhongkong 主埋架！！！💡另外特別欣賞佢跟配嘅餐飲有低咖啡因