Video
Read full review
2025-02-05
228 views
係坑口嘅「聰嫂」糖水真係由細食到大，之前聽到話唔再做，真係好唔捨得。點知之後得知會再重出江湖，轉戰灣仔就已經要立即嚟食，估唔到依家人氣仍然高企，連晚飯黃金時間都仍然係大排長龍🤭🤭打開餐牌仍然見到招牌糖水，龍眼椰果冰、榴槤水晶珠等等，回憶即刻返晒嚟🤤🤤除此之外，仲有近年嘅人氣品項 「牛角包窩夫」👍🏻👍🏻今日一行四人仲可以叫多幾款一齊share 😆😆麻糬紅豆抹茶雪糕牛角窩夫 $44牛角窩夫即叫即整，所以要等一陣先，上枱嘅時候要趁熱食，香濃嘅抹茶雪糕加上外脆內軟嘅牛角窩夫，真係會令人食唔停口嫁 🤣杞子圓肉雪蓮子燉桃膠 $45養生嘅朋友就推薦你哋食呢款熱食中式糖水，桃膠亦清潔得十分乾淨，仲好大粒完全唔係劣質貨，加埋養顏嘅雪蓮子、明目嘅杞子同圓肉一齊煮成，飲完之後成個人都暖哂😆❤️榴槤水晶珠 $48人氣高企嘅單品，如果你會食榴槤嘅，就一定要試吓呢一款甜品，淨係上枱已經聞到榴槤嘅香氣，頂層有新鮮嘅榴槤肉，下層係用榴槤造成嘅雪糕加埋凍冰冰嘅水晶珠，每食一口都超滿足😎❤️❤️鮮雜果水晶珠 $48最吸睛嘅一款甜品，色彩繽紛燦爛奪目，以不同顏色嘅新鮮水果堆疊而成嘅鮮雜果杯👍🏻👍🏻香甜嘅芒果、多汁嘅西瓜、甜度高嘅
點知之後得知會再重出江湖，轉戰灣仔就已經要立即嚟食，估唔到依家人氣仍然高企，連晚飯黃金時間都仍然係大排長龍🤭🤭
打開餐牌仍然見到招牌糖水，龍眼椰果冰、榴槤水晶珠等等，回憶即刻返晒嚟🤤🤤除此之外，仲有近年嘅人氣品項 「牛角包窩夫」👍🏻👍🏻
今日一行四人仲可以叫多幾款一齊share 😆😆
麻糬紅豆抹茶雪糕牛角窩夫 $44
牛角窩夫即叫即整，所以要等一陣先，上枱嘅時候要趁熱食，香濃嘅抹茶雪糕加上外脆內軟嘅牛角窩夫，真係會令人食唔停口嫁 🤣
杞子圓肉雪蓮子燉桃膠 $45
養生嘅朋友就推薦你哋食呢款熱食中式糖水，桃膠亦清潔得十分乾淨，仲好大粒完全唔係劣質貨，加埋養顏嘅雪蓮子、明目嘅杞子同圓肉一齊煮成，飲完之後成個人都暖哂😆❤️
榴槤水晶珠 $48
人氣高企嘅單品，如果你會食榴槤嘅，就一定要試吓呢一款甜品，淨係上枱已經聞到榴槤嘅香氣，頂層有新鮮嘅榴槤肉，下層係用榴槤造成嘅雪糕加埋凍冰冰嘅水晶珠，每食一口都超滿足😎❤️❤️
鮮雜果水晶珠 $48
最吸睛嘅一款甜品，色彩繽紛燦爛奪目，以不同顏色嘅新鮮水果堆疊而成嘅鮮雜果杯👍🏻👍🏻香甜嘅芒果、多汁嘅西瓜、甜度高嘅哈密瓜等等，打卡一流
Post
