Coffee Break (TKO Gateway東翼)

Open Now

Now Closed

今日去咗坑口嗰度探朋友，順便一齊食晚餐。烤羅馬生菜平時食開嘅沙律菜都係切到碎濕濕，真係第一次見到係成大半棵上嘅羅馬生菜，顏色七彩繽紛面頭有開半嘅流心蛋同巴馬火腿食落好似薯片咁，仲有啲我哋仲追加左烤雞胸肉配埋醬汁食落口感更加豐富。香烤波特菇黑松露意大利飯意大利飯食落口感Creamy充滿松露嘅香味飯粒軟硬度適中。法式香草烤雞配薯條沙律烤雞份量非常充足雞肉入口嫩滑，用香草嚟焗嘅烤雞好入味，薯條入口外脆內軟配埋沙律菜可以適當中和油膩感。水蜜桃果粒茶水果茶係成壼上配埋一瓶蜜糖，入邊嘅材料包括有水蜜桃，菠蘿，洋甘菊太陽花瓣，香桃木，入口帶有自然既微甜，我自己就覺得啱啱好可以唔使加蜜糖都得，越飲越鍾意呢種味道。藍莓乳酪入口飲得出有一粒粒嘅藍莓籽，藍莓加乳酪，真係絕配。