Video
Read full review
2023-09-25
85 views
坑口村有好多小店，身為坑口居民有時諗唔到食咩，都會去嗰邊搵食！而Fika就係近半年幾有人氣嘅西餐小店～ 聽咗咁多次個名，終於去食咗個late lunch，食物都幾高質，睇得出係用心煮！🔸牛油果蟹肉脆餅 $88作為前菜，非常清新開胃！牛油果、蟹肉加埋沙律醬撈勻，非常滋味！同埋脆身嘅cracknel一齊食，口感豐富～ 面頭仲有少少三文魚籽，增加鮮味！🔸FIKA自家製雙重煙腩肉卡邦尼意粉 $168呢度嘅招牌菜～ 以傳統做法，選用意大利豬面肉同自家製煙腩肉，加入羊奶芝士同日本蛋，芝士味香濃，煙腩肉鹹香，味道比普通嘅卡邦尼更富鹹鮮味同濃郁，又唔會覺得膩，好味！扁意粉掛滿蛋汁好香滑，配埋煙豬腩肉一齊食好惹味！🔸炭燒紐西蘭肉眼(8oz)配粗薯條、炒雜菜 $158Set lunch包餐湯或沙律，仲有飲品。▫️日本秋葵、青蘋果沙律配檸檬油醋醬 & 野菌忌廉湯好清新嘅沙律，秋葵、青蘋果爽口清甜，沙律菜新鮮！野菌忌廉湯幾濃郁！紐西蘭肉眼扒要咗5成熟，掌握得幾好！肉質腍中帶咬口，肉味濃！燒肉汁係自家製，配肉食幾好味！粗薯份量多，薯味濃！呢間西餐食物都幾好味～ 店舖唔算大，有種溫馨嘅感覺，好似佢哋店名咁，喺度慢活
坑口村有好多小店，身為坑口居民有時諗唔到食咩，都會去嗰邊搵食！而Fika就係近半年幾有人氣嘅西餐小店～ 聽咗咁多次個名，終於去食咗個late lunch，食物都幾高質，睇得出係用心煮！
牛油果蟹肉脆餅
$88
4 views
0 likes
0 comments
作為前菜，非常清新開胃！牛油果、蟹肉加埋沙律醬撈勻，非常滋味！同埋脆身嘅cracknel一齊食，口感豐富～ 面頭仲有少少三文魚籽，增加鮮味！
FIKA自家製雙重煙腩肉卡邦尼意粉
$168
6 views
0 likes
0 comments
🔸FIKA自家製雙重煙腩肉卡邦尼意粉 $168呢度嘅招牌菜～ 以傳統做法，選用意大利豬面肉同自家製煙腩肉，加入羊奶芝士同日本蛋，芝士味香濃，煙腩肉鹹香，味道比普通嘅卡邦尼更富鹹鮮味同濃郁，又唔會覺得膩，好味！扁意粉掛滿蛋汁好香滑，配埋煙豬腩肉一齊食好惹味！
炭燒紐西蘭肉眼
$158
3 views
0 likes
0 comments
Set lunch包餐湯或沙律，仲有飲品。
▫️日本秋葵、青蘋果沙律配檸檬油醋醬 & 野菌忌廉湯好清新嘅沙律，秋葵、青蘋果爽口清甜，沙律菜新鮮！野菌忌廉湯幾濃郁！
紐西蘭肉眼扒要咗5成熟，掌握得幾好！肉質腍中帶咬口，肉味濃！燒肉汁係自家製，配肉食幾好味！粗薯份量多，薯味濃！
呢間西餐食物都幾好味～ 店舖唔算大，有種溫馨嘅感覺，好似佢哋店名咁，喺度慢活享受美食，好寫意！
Post
