勝興茶室

Open Now

Now Closed

今天天氣，天朗氣清，陽光普照😎🌞，一於坪洲一天遊。行完山，接近一點鬆啲，便搵嘢食，但係出名嘅餐廳都已經大排長龍，我們行咗一段時間大概兩點，另一間中式點心舖頭，有位便入去食。我覺得好味就係粉果，好大件，新鮮滾熱辣出嚟 ，外皮鬆軟，好多餡。另外還有金錢肚，唔韌，味道醃製都唔錯。豬潤腸粉，新鮮滾熱辣腸粉皮好滑，豬潤唔韌，都算爽口，幾特別。還有招牌點心桂花卷，其實係腐皮包住啲桂花魚，腐皮脆口，包咗啲鯪魚肉幾特別。其他點心，小籠包、蝦餃、燒賣、鯪魚球味道一般，冇特別。鋪頭比較狹窄，但係啲點心都係新鮮滾熱辣做出嚟嘅。