金翠餐廳

Open Now

Now Closed

打算朝頭早收工去拿拿林食個醒神早餐。八點鐘準時坐入去，係咁舉手都無人行過黎。有個好瘦哨牙女員工行過黎時，即刻好似捉到條救命稻草咁，好快就叫左個辛辣麵配炒蛋。個女員工態度勁差，好似我欠左佢咁。「食乜，講」。好，我當你local特色，或者人多做到好躁。點知一坐就坐左半個幾鐘。忍唔住再追一追自己個早餐究竟去左邊？個哨牙女員工仲要好似岩岩個人先訓醒咁，話咦你頭先叫左乜？我覆返佢頭先你幫我落單咖喎？位女員工問返我有無張單？我心諗你係咪低能？你負責幫人落單，你問返個食客張單係邊？不如我幫你落埋，我出埋你份人工好唔好？如果人手唔夠就請多幾個人啦，擺曬啲客係到，越積越多，啲員工又成舊飯咁恰下恰下未訓醒咁。餐廳啲座位又痴立立，張枱啲千年油漬又搞到成個環境污糟邋遢。差評。垃圾，從此以後唔會去。